من يفيدنا بعلاج للسعال ؟ (الكحة)
 

الوالدة مريضة بداء السعال الشديد وجربت كل حاجه ولا نفع معها

جربت شراب الكحه , والرشاد مع عسل , والفيتامينات والفوار ولا نفع ..

عندكم علاج يوقفها ؟ خصوصاً انها تتأذى منها اثناء النوم

الله يشفي مرضانا ومرضى المسلمين اجمعين ..

أختي كوين الله يشفي والدتك ويمتعها بصحتها وعافيتها يارب

اول شي حاولوا تبعدون عنها مثيرات الكحة والحساسية مثل بعض المفروشات القديمه او السجاد الموجود بالغرفه

ثاني شي الغرفه اللي تجلس فيها حاولوا تضعون جهاز لتنقية وترطيب الجو وركزي على الترطيب لأن الكحة ممكن يكون سببها جفاف الجو ( هذي انا مجربها )

ويجب ان يكون الجهاز مناسب لحجم الغرفه يعني في اجهزة صغيرة ما تسوي شي في الغرف الكبيره

[align=center]ماتشوف شرّ .. سمعت هذا العلاج للسعال الشديد :[/align][align=center]
عباره عن مرّه تطحن ناعم وعلى الريق كل صباح تأخذ من المرّه المطحونه مع معلقه عسل
وإن شاء الله تفيد ,,

طيب كوين الزنجبيل تراه علاج فعّال وعن تجربه .. ومو أي زنجبيل " الزنجبيل الطازج الرطب " وحده بوحده مع المداومه عليه ..

ماتشوفون شر ..[/align]

فيه اندنوسي وزوجته يعالج بمنعكسات القدم يسوي وخز ويعطي اعشاب لو تريدي ارسلك ع الخاص وهو بالرياض

والخيار الثاني سخني زيت زيتون وهو حااااااار حراره تكوي بس ما تأذي صبيه على هاامة الراس ودلكي ومن ثم على الظهر خلف الرأتين مع التدليك بسبابة وابهام اليد ومن ثم منعكسات اليد سوي وخز بأبهامك على ابهامها من اوله لاخره هذه المنطقه ستألمها كرري الدليك بها ومن ثم اعلى القدم وتحت الاصبع الكبرى هذه المنطقه ستألمها كرري التدليك . وكم يوم وراح تتحسن واحيانا تكون الكحه ردة فعل انعكست على الرئه يعني بسبب شيء نفسي لذا تطول مدتها

الأخت كوين .. الله يشفي والدتك وجيع مرضى المسلمين .. يارب ..

بالنسبة لي أنا تذبحني الكحة شهر إلى شهر وشوي وأعتقد أن هذا وقتها .. ولا تزيد إلا عند النوم :(

الموهم بالنسبة لي أنا جربت عدة أدوية عبارة عن (شراب) كحة ..

ما نفع معاي إلا (( إيزيلن )) عليه ورقة بيضاء وفيها خط أصفر ولون الشراب وردي .. غامق ..

قيمته 4 ريال ..

بأمانة أرتاح كثير له ولله الحمد .. ولعل والدتك يجدي معها ..

الله يشفيها ..

تحيتي :)

باقول لك حاااااااج مره حلوه ومليون بالميه بقدره الله تشفي مو من الكحه فقط حتى من الربو .. حليب خيول .. في الحقيقة انا سالت بسوق بريده بحكم ان عندكم اسطبل بالقصيم مع اني زرته مجرد ساحه ما فيها خيول .. ولا رد احد .. في الحقيقة عجييييييييييييييييييييييييييب في العلاج استخدمته لشخص فيه جلطه انطلق لسانه لكن لسه ما مشى بشكل طبيعي لان اللي جبته خلص ومن اندنوسيا ومعلب ..

الله يشفيها ويعافيها

جاني إيميل يقول أن الفكس بأسفل القدم مع الجوارب حل فعال !

على ذمة الإيميل الي وصلني !

لكن الحل أنها تراجع دكتور مختص ..


لكم أطيب المنى

جزاكم الله خير جميعاً , ياجعل الامراض ماتزوركم ولا من تعزون

ان شاءالله بنجرب وصفاتكم وندعي لكم
بالنسبه للفقس جربناه وما نفع للأسف ..


آنجل يالغلا توني ادري ان الخيول عندهم حليب ..!! معلومة جديدة علي

احنا عندنا فرس .. بسأل ابوي هي عندها حليب والا لا , الله يعطيكي العافيه

أهلاً كوين,,,,

أرجو أن تزور والدتكِ طبيباً متخصصاً,,

ليجري عليها الفحص الازم والذي يشمل جميع الأمراض المزمنه وغيرها...

لإن إستعمال الأدوية بشكل عشوائي خطير جداً!!

لإنها لها آثار جانبية على الشخص وخصوصاً الشخص الكبير...

عموماً أتمنى لها الشفاء ... ولكن لابد من زيارة طبيب...

...............

الفحص الدوري الشهري هو الأمثل لكافة الأسرة,,,

نصيحةٌ من أخ ...

............

عندي نصيحتين ..أولاً مراجعة الطبيب

ثانياً....من خلال تجربه وأبغى تدعي لي ..اذا كانت الكحه ناااااشفه أفضل شي

(مره منقعه مع كم نقطة زيت زيتون)

جداً مريح وسريع المفعول..

أما اذا كانت مع بلغم (رشاد منقع بالماء ثواني فقط وبعدين تشربه )يخرج البلغم ويريحها مررره ..

أسأل الله لها الشفاء والعافيه ....

كان يجيني في كل فترة وفتر كحة بنت كلب
والم يقضي عليها الا شراب اوكسيلين بعد الله
او وضع قليل من الرشاد في تمرة واكله
والله يشفي كل مرضاء المسلمين

الحلتيت >> جدة .. متأصله

صراحه الحلتيت وحده بوحده للكحه..

انا انقع مرة كسرة وحلتيت في علبة الموية الصحه ويوميا اعطي ولدي لاان فيه كحة وخف.. لبى قلبة ,,

الله يشفي اوميمتك يارب ..

والله يا كوين ثقافتك الخيولية يعني لتس عليها شوي

اقصد ان لقيتي فرس له حليب فأبشرك بتاخذين جائزة نوبل للإختراعات والاكتشافات

عموما الله يتبع لأميمك بالعافية

خذي عندك ادوية الكحة:

عسل مع بصل مقطع صغير يخلط مع بعض ويترك قرابة ساعتين الى ثلاث ويشرب ماءه وحدة بوحدة

حبتين رشاد وحبتين حبة بركة مطحونات مع ملعقة عسل برضوة علاج فعال الصبح على الريق

واذري ثم احذري من الحلتيت والمر استخدميهن بحذر شديد لأنهن احد اسباب الفشل الكلوي