منتدى بريدة - فــرصــة التـــغـــيــيـــر

,,
,
,

التناكر بين (( خلق الله )) بدى
صار هذا تقل مايعرف هذاك..!

(( الفتن )) خلت رفاقتنا \ عِدى
(( والوجيه البيض )) تطعن في قفاك..!!

إستمع صوتي \ ولاآبيلك صدى
ذاخرٍك (( ياذيب للمرقب )) اعواك..!

بح (( صوت العقل )) من طول الندى
إلمس المحسوس \ وإستخدم ذكاك..!!

(( فرصة التغيير )) لاتذهب سُدى
قبل تبدى .. خطوتين \ إرجع وراك..

طيبتك مع (( بعض خلق الله )) ردى
لاتواضع (( وأسفل العالم )) رقاك..!!

الحقيقه .. زيف \ والمصلح .. غدى
والنصيحه \ أوشكت تصبح هلاك..!!

لاتقول : إن مالي \ ومالك جدى
(( ياعزيز النفس )) ماينفع غنَاك..!!

وش عشاك .. وإنت ماتلقى غدى..؟؟
لاتقول : إن الغدى \ تالي عشاك..!!

أدري إن (( العافيه )) ثوب \ ورِدى
لكن .. الخوف \ المرض .. إذا أعتراك..!!

للطموح إن مات (( واحدنا )) فِدى
البلا لاعشت \ ماحيٍ رجاك..!!

للعطش .. غيمه \ وللورده .. ندى
والوسيله \ قد تبرر مبتغاك..!!

(( إنحلال المجتمع )) ماله مدى
ناظر أصحابك \ قبل تنظر عداك..!!

الفساد (( بدُورنا )) قام يحدى
أضعف الإيمان \ تسأل .. وش بلاك..؟؟

(( النبي )) بدّل ضلالتنا \ هدى
بس مايقدر إذا \ ماالله هداك..!!
,,
,

,/فيصل بن طوالة الشمري,,
,,
,,