|
...أراكَ عصيّ الدمعْ...
[align=center]السلام عليكم و رحمة الله و بركاتة
صباح /مساء الخير على الجميع,, و صباح الخير على شاعرنا إبراهيم المهنا مخصوص:).. أراكَ عصيّ الدّمعْ (أراك َ عصيّ الدّمعْ) مالك تردها تخيّط جـــــــروحك والليالي تقدها كذا دارت الأيام ُمــن بعد وصلهم (فراقٌ)وذابـت مُهجتي..بيح سدها سقــــى الله ذيك الدار(دارُ أحبتي) عدد ما ذكــرت أيامنا وقت مهدها بقى لي من الذكرى نسايم تزورني بلا موعد ٍ و يفوح مسكه و زبدها ذكرت الصبا وياطيب ما كان بالصبا و يا طيب أقراب ٍ توارت بلحدها هي ّ أيامنا تجري كما البرق لا شلع و هي ّ أجسامنا تفنى ربيع ٍ ابيدها تعلمت من دنياي لا زلت طالب ٍ أورد..و أصدر..في علومه وعدها أبد ما لقيت إلا الرضا حزة القضى يفرج همومي و المصايب يهدها إذا أكرمت راع الطيب أصبحت مالكه بجنة وفاه تهيم و تشم وردها و إذا أكرمت راع الدون زوّد حقارته على شوك طلحِه كبدك ايحل مدها ترى هذي الدنيا توّصف كما البحر و حنا السفن ما بين جزره و مدها و نفسك هيّ الربان, وشراعك الفكر و صبرك طعامك,والعزيمة تمدها و فيها جزر من طبها عاش غانم بها كنوز و أنعام ٍ صعيب ٍ أعدها جزر كالذهب ما ياصله غير متكل دعا الله ,و أصلح نيته,ثم أعدها و فيها جزر سهله على كل طالبٍ تغره بلون أثمارها و زين خدها واذا طب غاض بوحل و أفخاخ تذهله بغى الشهد يصفى له ولا زاد جهدها ترى النفس مهره واجب أنك تروّضه و ترخي رسنها نوب و نوب ٍ تشدها على شان بالمضمار تسبق و تطوي ال أشواط محدن جابها و قت جدها سعد من يروَض مهرته يوم توجت و توّج بجنه حورها شب نهدها غنم يا غناته يوم غنت و زغردت له الغانية و أغراه غره و غيدها من الحب تنتظره على جمر شوقها تخمه ليا أقبل و المراحب تجيدها ألهي طلبتك تغفر ذنوب من عصى دموعه يهله من ندمه و يبيدها و سترك و عفوك يا ألهي و رحمتك و قصر الرضا و الدين يا رب تشيدها ودمتم سالمين, عبداللطيف بن حمد السنيدي[/align] |
[align=center]وانت سالم وغانم ...... يابن حمد ..... والله يجعلك غني دنيا ودين ....
طرق فاخر ... نص زاخر بالحكم .. والمواعظ ..... نص تمنيت لو اتى صوتياً ... !! [/align] [poem=font="Simplified Arabic,6,darkblue,bold,normal" bkcolor="transparent" bkimage="" border="groove,4,gray" type=1 line=1 align=center use=sp num="0,black"] ترى هذي الدنيا توّصف كما البحر=و حنا السفن ما بين جزره و مدها[/poem] [align=center] شاعرنا الغالي .... لا اريد منك المزيد ...!!! فهذا البيت كفيل بإرواء ذائقتي ... صح لسانك ياشيخ من هنا ... والى يوم الدين ... دمت لنا ... شاعراً .... واخاً .. نفخر به .... ونسعد بمعانقة حروفه ..... تحياتي وتقديري ..//[/align] |
أخوي الشاعر عبد اللطيف صح لسانك على هذه الرائع ويسلم بوحك ونبض روحك قصيدة جميلة من شاعر أجمل تقبل مروري الخجول أمام روعت كلماتك دمت بود وتقبل خالص تحيات .... أخوك / بدر اليحيى |
اقتباس:
[align=center] ياهلا والله وغلا بشاعرنا الرائع / عبداللطيف بن حمد وصباحك ومسائك لا يليق الا بمثلك ,,,يا صباح النور والرضا ,, ويامساء الشعر.. صح لسانك مدد بلا عدد .... تغزل وتوجد وحكم وبحر ساحر .... شكرا لك من القلب لهذا الحضور تقديري[/align] |
عبد اللطيف
صح قلبك جدا رائع 0 |
اقتباس:
أخوي الغالي و الشاعر الجميل جدا ماجد الحميد صح بدنك يا بعدي عد المطر وعد الباذر السنه:) و شهاده من أخو و شاعر لا يشق له غبار أما الصوتيات مالي بهن لكن راح أدرس هالفكره:) مرورك نوماس يالخالدي نوماس |
اقتباس:
صح بدنك يا بعدي و تسلم يالقرم و شهاده من شاعر جميل و أن كان ما خانتني الذاكرة شايفك في أمسية بالضاحي:) و كان ألقائك جميل و القصيدة اللي بخوك جميله,, مرورك جميل تقبل تحياتي [/align] |
اقتباس:
[align=center] هلا و غلا بأخوي الغالي ابراهيم المهنا صح بدنك عد ما هبت نسايم نـــجــــد شاعرنا تأكد أني أنتظر جديدك و شكرا لك على ما تبذل من جهود و كل الأخوان هنا[/align] |
| الساعة الآن 05:51 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة