|
حـلــمــي افـنــدي ..
[align=center]السلام عليكم
مرحباً بالجميع هذا الله يسلمكم الاحلام احيانن تخلي الواحد يقوم من نومه يضحك أمس حلمت حلم لو يسمعه مفسر احلام اعتزل التفسير من غباء الحلم حلمت ان واحد من الاصدقاء ماسك بزوكا بيرميني :b4: وانا مقفل على نفسي بالغرفه وطالع مع الدريشه احاكيه عشان احاول اقنعه ما يرمي وكنت اقوله ياخي انت مهبول ، اذا رميتني بالبازوكا بتنفجر الغرفه واموت ومايصير عندك صديق اسمه فتحي قال عادي انا برمي انا لما شفت ابو الشباب جازم يرميني بالبازوكا فكرت بالهروب بعدين فتحت باب الغرفه وطلعت راسي مع الباب واثاريه مقابلني وقلت يا ابن الحلال تعوذ من الشيطان ولا ترمي .. هو اول ما شافني مطلع راسي كبس ، بووووو:b1: انا طلعت من الغرفه اناقز :a3: قبل الرميه وبالصدفه جت الرميه من تحتي وصار الانفجار تحتي .. انا طرت فووووووووق وصرت اشوف الاشجار تحتي وانا طاير بالسماء ،، شفت ناس يلعبون كورة في ملعب مزروع يحبه قلبك ،، وشفت نفسي بطيح عندهم مثل الطياره الي تنوي الهبوط .. طحت عندهم على ظهري ومافي ولا واحد منهم جاء عندي او استغرب الموقف انا لما شفت الوضع كذا ، اشرت لواحد ماسك الدفاع بالفريق وقلت لو سمحت ممكن العب معكم ؟ قال ايه ، انا قمت وتنفظت ولعبت معهم بالهجوم ولما سجلت قول جو كل الاعبين يركضون عندي من الفرحه ، انا بعدها صحيت :36_1_2[1] .................................................. ...................... الاحلام بعضها غريب سبحان الله هذا الله يسلمكم بعد ما صحيت من الحلم تذكرت فكره كانت من اجمل الافكار الي مريت فيها على جهل ،، قبل حوالي كم سنه جت طفه في جميع القنوات الفضائيه حول تفسير الاحلام لدرجة ان الرادو ما سلم منها .. كانت برامج تفاسير الاحلام هي الناجحه والمربحه في ذيك السنه ، وكنت من اشد المتابعين لها حتى صار عندي حصيله كبيره من شدة المتابعة مع العلم اني ماقد حلمت ابد ،، بس كان عندي مجرد فضول فقط لا غير بعدها انا فكرت اني العب على الناس واسوي نفسي ( مفسر احلام ) ونشرت رقم الجوال ، وما كنت اتخيل ان الناس لهذي الدرجة هبلاء والله ياجماعه اني في خلال اسبوع واحد فقط من كثر الاصالات ماكنت قادر الحق على بعضها .. وخاصه من العنصر النسائي ترا الحريم دايم حلووووم .. الله يذكر الشيخ المطلق بخير ، كنت جالس معه في مناسبة بمكة المكرمة ودق جواله قال هذي اكيد وحده ماخذه غفوه وداقه علي افسر حلمها هههه المهم انا ابتلشت بالعالم ومن كثر الاحلام ضيعت الطاسه الناس عليهم احلام غريبه عجيبه وكنت اذا تعجبت من الحلم وحسيت انه غريب اقول ( ابغاث احلام هذي ومالها تفسير غير انك ضارب نثريه ونايم وانت شبعان جزاك الله خير ) واذا دقت علي وحده صوتها حلو .. الله الله انواع البشاير انتي بتتزوجي واحد غني ومثقف وجميل .. واذا دقت وحده صوتها شين اقول اكثري من الورد ترا بتجيلك مصيبه ههه المهم ان واحد من الشباب عرف وجاء نصحني وبعدها تركت التفسير > مصدق انه مفسر احلام هه لذلك انا الي ابي اعرفه / الاحلام هذي ليش تتعدى المعقول ؟ يعني ليش ماتكون احلام على نفس الوضع الطبيعي للانسان بخلقته ؟ هل فيه احد عنده تفسير سليم للسؤال هذا ؟[/align] |
شف يا حلمي افندي قصدي يا فتحي افندي :)
أول شيء : اسمه ( أضغاث ) أحلام مهوب ( أبغاث ) , لا أرجفك :) ثاني شيء : أكثر الحلوم لازم تصير خارجة عن المعقول , والا وشلون تصير حلوم أجل ؟؟!! مثله مثل الأمنيات .. يعني لازم تخالف الواقع شوي . ثالث شيء : أنا ما أذكر اني حلمت حلم صح .. كلهن أبغاث http://buraydh.com/forum/images/icons/icon10.gif يعني يطلع الحلم ( مبغوث ) فأول شيء ممكن أشوف روحي قاعدن عند جيراننا وحريمهم وبناتهم ثم فجأة ألقان بالدوام وقاعدتن معنا شغالة تقهوينا وحنا نتداول الأسهم . هماي قايل لك أبغاث :) وتقبل تحياتي 00 المتزن |
أنــــــــا عن نفسي اعطي الاحلام أشكـــــــل وماهتم فيها....
وأستحقر اللي يلجنا عند حلم تافه مثل وجهه خلاص حلم يعني ننساه... أجـــــــــــل تفســــــر...والله انك خطير أنت وولدك.... |
( ابغاث ) ( ابغاث )( ابغاث( ابغاث ) ( ابغاث ) ابغاث )( ابغاث )( ابغاث )( ابغاث )( ابغاث )( ابغاث )( ابغاث )( ابغاث )
أنا ما جازلي بكلامك وأحلامك إلا هالكلمة ما أدري منين طلعتلك .........! |
أقطعه ..
لايصير أنت اللي أدقدق علية ومسوي سليمان الفايز.. والله أنا ماأبطيت جتن حالة أول ماأصحى من النوم أمسك الجوال وأدور على المفسرين واحد واحد ويفسرون لي أحلام ويطلع تفسيرها زين(ن) بالحيل وأطير من الفرح ما أصدق خبر بس ترى أحلامي مو (أبغاث) على قولتك أحسها قوية وترمي لمعنى بالواقع حقي .. عندي رقم مفسرة بحايل إذا سمعتوا به ياعمري هي يعجبن إسلوبه وشكلي غاثته بكثر أتصالي كل مادقيت علية واطرح له الحلم , وأول سؤال له أنتي متزوجه ؟ وأقوله أنا لا: تقول إيه هذا رجّال نشمي يبي يجيتس :) وكل ذاك اليوم وأنا حاطه أيدي على خدي أحتري هالنشمي يجي ولاشفت شي :) |
اخي فتحي
انا كل أحلاامي ابيض واسود عمري ماحلمت حلم ملون مناي احلم حلم ملون زي باقي خلق الله .. سلام .. |
[align=center]
فتحي الشقاقي هذا من كثرة الأكل الله يسلمك تلبدها رزيزه وتلحقها كأس اللبن وتنجضع على جنبك اكيد بتجيك زي هالحلوم اجل طايح في ملعب مزروع خخخخخخخ وجايب قول بعد قيل قديماً البطنة تذهب الفطنة تذهب الفطنه للصاحي اجل في سابع نومه ايش بيكون حاله عموما حسب علمي المتواضع ان الأحلام ثلاثة انواع 1 -- رؤيا صادقة .. وتأتي الى الأنبياء كوحي كرؤيا ابراهيم عليه السلام في ذبخ إبنه اسماعيل .. وغالباً لا تحتاج تأويل . 2 -- رؤيا صالحه .. وهذه هي التي تحتاج الى تأويل .. كرؤيا يوسف عليه السلام 3 -- اضغاث احلام .. وهذه من الشيطان يتلاعب بها على ابن آدم . او يكون سببها هو احلام وأماني لم يستطع الأنسان تحقيقها في الواقع فيراها تتحقق في منامه . مثلا كالسجين تجد انه دائما يحلم انه طليق !! عاد هالحلوم لا تنسيك سالفة القزم :5[1]: تحياتي واشواقي[/align] |
الذي يفسر هو الرؤيه وليس الحلم !!
ولكن اختلط الحابل بالنابل وصار كل شي يفسر !!! تبي افسر حلمك هذا يافتحي انت رجال لك اعمال خير ولكن مقصر بصلواتك وموتك قريب فالذي بحاول ان يرميك هو ملك الموت ولكن اجل الله اخذ روحك لكي تتوب لكي تلقى الله بجنات النعيم التي هي بالحلم الملعب المزروع !! جاءك انذار فهل انت مستجيب !! تراني مفسر احلام لاتضحك !! |
ع طاري الحلوووم000
عمررك شايفا احد محلم انه دجاجه تعضه !!! وياليت بعد تفسرره نتضـــرك ((( علشان التفسيــر :) |
لقد لازمت بعض مفسري الأحلام فترة من الزمن,,وأستطيع القول أن حلمك يدل على أن منيتك قريبة جدا وعليك أن تتوب إلى الله وتتحلل من الناس وترد الديون اللي عليك أو ستقذف في النار كما قذفت في الملعب......:6[1]:
|
عاشق ديرتي بريدة / أبو خالد
خوفوا الله لا تهبلون بالرجال . وتقبلا تحياتي 00 المتزن |
أجل ياكثر الأبغاث عند ربعنا!!سالفتنا بقهوة العصر وش حلمت به يافلان!فكرت أسوي كتاب بهالحلوم يكون بمثابة إملاءات! إلا عندي حلم كل شهر أشوفه طبعًا ماقد حلمت غيره _يقولون أهلي من الدلاخة_يعني لو كنت داقة عليك قبل تهون وش بتفسره؟! إذا وافقت عرضت لك الحلم ،بس لاتردنا عاد! |
اقتباس:
ماقصدي اخوف الرجال بس هذا اللي شفته وانا اقراء الحلم !!! |
صراحة حلمك وناااااسة ..أجل طرت وطحت على ملعب ...مت ضحك وانا أقرأه ..
أجل أنا كد حلمت اني أشوف صارور وانسدحت على الأرض وصرت اشوف الجدار مابين جسم الصارور والارض يعني كأنه فتحة تحت الباب ... وقمت من النوم وانا أتعوذ من ابليس واتراجد من الخوف ...المهم بنفس ذاك اليوم شفت صارور كبييييييييييير سوّا لي رعب ... يعني تراي شييييييي أحلامي تصير بنفس اليوم مب مثل حلمك ما يتحقق أبد .. المهم انك لاتفسر أحلامك الا اذا تعديت الاربعين علشان تصير عاقل ..وتصير أحلامك راكدة مب طيران وملاعب .. |
[align=center]فتحي الله يعافيك كل يوم حلم وتعال قص علينا حلمك
والله ياعليك حلوم توسع الصدر انا عن نفسي كل حلومي ابغاث ههههههههه ماتلقى ولا حلم اضغاث الله يخلف علي شف تسانك ماهونت عن التفسير علمن تراي توي اخذه غفوه وابي من يفسر لي حلمي تسنه فلم هندي هالحلم عيى يقضي قمت وافطرت ورجعت اكمله عاد الى الحين ماقضى بكمله بالليل همن لاقضى بدق عليك تفسره لأنه مايعرف لأبغاث الأحلام الا انت اشكرك يامفسرنا[/align] |
| الساعة الآن 10:52 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة