|
هذا ماحصل لي في العييري بارك من يوقف المهزلة
ذهبنا البارحة الى العييري بارك هرباً من الحر وتغيير كماقال أهلي من روتين البيت أخذنا عصير تانج من الي يحبة قلبك طبعاً من صنعي أنا والشاهي والقهوة وخذنا عشانا على الطريق أول ماوصلنا جلسنا في مكان حلو وبعيد عن الزحمة شوي وجلسنا وخذنا راحتنا وتعشينا وسواليف وكان معنا بعض الأطفال قلت لخوي خل نروح نوديهم يلعبون وأناودي أشوف وش يبيعون هناك والله وينقز أخوي عبدالعزيز الله لا يخلينا منه ويروح بنا يوم أخذ الصغار يلعبهم أنا قريبة منهم جداً بس وقفت عند الي يبيعون يوم جت المهزله الي مابعدها مهزلة وقف وحد من الشباب والله ويمد ذيك الورقة والله أحسبة من الي ييعون العطورات الي يعطيك عيبنة في ورقة يوم ناظرت زين والرجال يتبسم قلت له خير أن شاء الله وبكل وقاحة وبكل برود يقول خوذي الرقم يا !!!!!! أنا والله خفت ومشيت شوي وتركتة والله ومادريت الا والرجال يحط أيده على شنطتي يبي يحط الرقم والله وصرخ يوم الرجال راح وصار من بعيد والله وروح عند أخوي وكان يلعب أخواني وقف أنتظرهم يخلصون وكان فية شباب قرب الألعاب يوم بدت المضايقات من رمي كلام يخجل الأنسان من ذكرة يوم خلص أخوي قلت يالله مشينا والله وين مانروح مضايقات الشباب متى يحسون أن لهم خوات هل يرضون لخواتهم الشي هذا والله أننا نكره الروحات بسبب بعض الشباب مرضى النفوس و مازال في بعض شبابنا الخير الكثير ولكن متى يوضع حد لهؤلأ الشباب .
|
لا حول ولا قوة الا بالله
هـــــذولي مـــاعندهم احــــساس يعني الواحد ما يرضاااه على خواااته يرضااه على غيـــرهن والله لو انا مكانك كـــان الشنطه اصك بووجهه بس انا رجل مشكــــوره اختي والله يحفظكي من هالذئاااب وانتبهي لنفستس |
في العييري بارك .. في بريدة .. من شباب الـ... وش ترتجون يصير أكثر من كذا الحمدلله والشكر ,, ماكثر الله الا الاستراحات أحسن من الشباب الـ ( المُخنث ) أستغفر الله ,, أستغفر الله ,, أستغفر الله 0 0 |
لو يمسك ويجلد كان تأدب المفروض ذهبتي للهيئة وبلغتيهم
|
أختي نونو..
افرشي فرشة بحوشكم أو بالسطح واستانسي بلا عييري بارك بلا خرابيط لا وبعد بدون عبايات ولاغطاء يعني قمة الوناسة |
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!
|
اللهم اصلح شباب الاسلام والمسلمين
ذهب الحياء وقله المروءه ولى حول ولى قوه الا بالله |
الحقيقة ان العييري بارك زودها شوي في اتاحة الفرصة للشباب بالدخول والتمشي
في المنتجع حتى انك تشاهدهم يجلسون على الرصيف وقرب محلات البيع ويضايقون العوائل والنساء وين دور رجال الهيئه او حراس الامن0 الله المستعان،،، |
أختي 00 هذا الشاب التافه 00 ماسوى هالحركه الحقيره إلا لكونه متعود ان هناك بنات ترغب بهذا الشي !!! لكنه وجد بنت شريفه 00 اختي انصحك بخلع النقاب وعدم التجمل 00 لانه لو لم يرى مايلفت الانتباه لمافعل فعلته ؟
عموما 00 العييري بارك 00 مكان فساد 00 وصاحبه سيلقى الحساب من ربه 00 لان محله يحصل فيه من الفساد 00 مايؤسف له 00 وقد سمعنا انهم يطفؤون الكهرب !!! والنساء والشباب بقرب بعض 00 !!!! ياساتر 0 |
كنت متحمسه اروووووووووووووووح بس الظاهر بغير رأى
الواحد ينزه نفسه عن ذى الاماكن |
[align=center]العييري بارك العييري بارك العييري بارك؟؟
كثر الحديث عن هذا الصرح الترفيهي والعلامة الفارقة في مشاريع بريده التي يشار لها بالبنان المترامي الاطراف بحالات فردية فاين كان اخيك منك ؟ هل وقف موقف المتفرج!! ام ان ليس له هيبة لو تم منع اخيك من الدخول فماذا سيكون موقفكم ؟ سطر الشيخ ابراهيم العييري بعودتة لمسقط رأسة بريده اروع وفاء لهذة المدينة عاد من الشرقيه وهي في قمة توهجها من كل المناحي عاد بكامل عائلتة ليساهم في هذا المضمار الناشيئ وبالتأكيد انه سيلاقي صعوبات شتى من اهمها اشعال نار الغيره في قلوب الحساد وما اكثرهم وتأجيج صراعات الفتنه ولكن الشمس لا تحجب بغربال ومن سيستفيد اذا ما اغلق العييري بارك وشاليهات العييري ؟ اتمنى ان لا تصل هذة الرتوش والحالات الفردية لمسامع الشيخ العييري وكما يقال العيار اللي ما يصيبش يدوش وكثر الدق يفك اللحام تا الله ان الخاسر الاول والاخير نحن اذا ما اعاد العييري سياستة باقامة المنشأت الترفيهيه والترويحية في بريده والتي توقفت من حوالي ثلاث سنوات وننتظر المزيد ووجدنا فيها خيارات متعدده فجزاه الله عنا خير الجزاء ووفقة لما يحبة ويرضاة[/align] |
طَنِّش تَعِش تَنتَعِش
يا شيخه خلاااااااااص البلد ما عاد صار فيه امان من هالاشكال..! وين ما تروحين بتلقينهم!!! وتبغين تتمشين على راحتك طنشيهم...لا تعطينهم فيس.!! لانهم ماراح يوقفون مادام فيه [ بريدآويات ] مغازلجيات يعطونهم وجـه!! يعني يا حبايب لا تلومون الشباب وتقولون عنه مخنث..! وتظلمونه!! ترى وربي لو ماكان فيه بنات يعطوهم وجه .! كان ما ظهروا كذا! الله المستعان!!!!!!!!!! |
ابعد عن الشر وغني له.. وش لكم بعوار الراس ،الله مكثر ومعطينا من هالنعم استراحات وحركات. للفائدة فقط عبارات أعجبتني أنقلها لك لعلك تستفيدي،كما استفدت أنا منها قبلك فتراجعت عن "الزن "على الوالد والوالدة علشان الحضاري: • قال الرافعي رحمه الله: لو كنت قاضيًا ورفع إلي أن شابًا تجرأ على امرأة فمسها أو طاردها أو أسمعها كلامًا غير لائق ،وتحقق عندي أن المرأة كانت سافرة مدهونة مصقولة متعطرة متبرجة لعاقبت هذه المرأة عقوبتين:إحداهما بأنها اعتدت على عفة الشاب ،والأخرى بأنها خرقاء كشفت اللحم للهر. • قدمت امرأة مكة،وكانت من أجمل النساء فبينما عمر بن أبي ربيعة يطوف إذ نظر إليها،فوقعت في قلبه،فدنا منها،فكلمها،فلم تلتفت إليه،فلما كان في الليلة الثانية جعل يطلبها حتى أصابها،فقالت له:إليك عني ياهذا فإنك في حرم الله وفي أيام عظيمة الحرمة،فألح عليها يكلمها حتى خافت أن يشهرها،فلما كانت في الليلة الأخرى،قالت لأخيها:اخرج معي يا أخي،فأرني المناسك،فإني لست أعرفها فأقبلت وهو معها،فلما رآها عمر أراد أن يعرض لها فنظر إلى أخيها معها فعدل عنها فتمثلت المرأة بقول النابغة: تعدو الذئاب على من لا كلاب له ....................................وتتقي صولة المستأسد الحامي. |
من امن العقوبه اساء الادب
|
والله المفروض يمنع دخول الشباب ؟؟ لأنهم على ما أعتقد ما عندهم طاري يتأدبون ويحسنون أخلاقهم ومنعهم فيه رادع كبير لهم
|
| الساعة الآن 10:32 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة