يفنى الرصيد ولا تضيع الكرامه
 

[poem=font="Simplified Arabic,5,darkred,bold,italic" bkcolor="transparent" bkimage="backgrounds/1.gif" border="groove,4,indigo" type=1 line=0 align=center use=ex num="0,black"]
إن كان دستي بالقدم قلب مغليـك = ودستي على قلبك عشان الكرامـه
أنا بعد عفتك وابتـرك مماشيـك = اللـي تودينـي دروب النـدامـه
لا رحم ابو جدك ولا عـز واليـك = من قبل اعرفك ماعرفت الملامـه
واليوم ياخذني على الشوق طاريك = والقلـب ضيـع بالمحبـه مقامـه
مرات انا اصفي لك ومرات اعاديك = ومرات قلبي ضايعن مـن هيامـه
ومرات اصد ولا تذكـرت اناديـك = ومرات انا ازعل والهجوس بغرامه
ومرات ياضاقت حياتي بي ارجيك = ما كن حبـك ذل قلبـي وضامـه
ياضايعه مابيـن بايـع وشاريـك = السوق به خامه وللنـاس خامـه
يامترفه غنجك يبيـن بخطاويـك = مافيه داعـي للحيـا واحتشامـه
أنتي تحسبيني بطيـح لمواطيـك = تبطين دام العـز عنـدي وسامـه
روحي عسى من غيٌرك مايقديـك = في نظرته في وقفتـه واهتمامـه
وانا عزمت اني بسافـر واخليـك = واترك لك اطلالن غدت بالغمامـه
ياللي تحسبين الهوى صك تمليـك = يفنى الرصيد ولا تضيع الكرامـه[/poem]

صحححححح لسااانك اخوووي
ودمت لمحبيك
تقبل مروري

أخوي الشاعر الكبير / ابو مشاري

صح لسانك على هذه الرآئعة....

ياسلام والمحبوب ينازعه الشوق الى المحبوبة ولكنه يريد أن يبقي كرامته بعيدة عن الإهانة...!!!!

أستمتعت كثيرا وأنا أعيد قراءة القصيدة أكثر من مرة

تقبل حبي أيها الكبير

صح لســــــــــــــــــــــــــــــــــــــانك

............

صح لسانك ولا هنت يا الذيب

ملكة الشوق



يكفيني من حضورك ملكية الشوق



دام هذا الإحساس

صح لسانك ولا هنت يالقرم ، ما قدرت اخذ الجزء ماغير كل الابيات اجمل من اولها لتاليها.

صح لساانك يابو مشاااري ولاهنت ولاهاااان شعرك ودمتم بحفظ الله ورعايته

صدقت .. صح لسانك ..
ياللي تحسبين الهوى صك تمليـك
يفنى الرصيد ولا تضيع الكرامـه

تحياتي