هذا الهوى يابنت لا تحسبينه عباتك
 

الله يرحم حبنا الي قتلتيه ,,
جفت دموعي والبقاء في حياتك ..

يا للأسف كل الأسف مابكيتيه ,,
انتي الغرور اعماك مع حب ذاتك ..

انتي بديتي الحب وانتي نهيتيه ,,
اقري عليه الفاتحه في صلاتك ..

انتي رعيتي الحب وانتي طعنتيه ,,
توني دريت ان الغدر من صفاتك ..

انتي شريتي الحب مني وبعتيه ,,
عسى الثمن يكون سبتك غناتك ..

انتي بنيتي الحب وانتي هدمتيه ,,
الله واكبر من يسوي سو اتـك ..

انتي رسمتي الدرب بس مامشيتيه ,,
اعـمـالـك عن درب الغرام الـتـفـاتـك ..

انتي كتبتي العهد وانتي مسحتيه ,,
مـحـاولـة تـزويـر في ذكـريـاتـك ..

مره لبستي الحب مره فصختيه ,,
هذا الهوى يابنت لا تحسبينه عباتك ..

قلتي احفظه تذكار واقول مابيه ,,
تذكار حبي هو شهادة وفاتك ..

خلي جمالك ينفعك واستغليه ,,
روحي ورى الي قال لك ياحلاتك ..

خوذي الهوى معك ليش احتفظ فيه ,,
يمكن يجي له يوم يهدم حياتك ....

( اسف جدا على الاطاله وتقبلوا تحياتي )

** الغريب **

مره لبستي الحب مره فصختيه ,,
هذا الهوى يابنت لا تحسبينه عباتك ..

قلتي احفظه تذكار واقول مابيه ,,
تذكار حبي هو شهادة وفاتك ..

خلي جمالك ينفعك واستغليه ,,
روحي ورى الي قال لك ياحلاتك ..

خوذي الهوى معك ليش احتفظ فيه ,,
يمكن يجي له يوم يهدم حياتك ....

>
>
>
>
>
صح لسانك ايها الغريب

اخوي .. الغريب
اسعد الله اوقاتك بكل خير
هذه الرائعه من قصائد الشاعر المبدع / طلال السعيد
ياليتك اشرت لأسمه من باب انصاف الشاعر حتى لايعتقد البعض انك تنسبها لنفسك
انا ناصح واشكر لك تقبل النصيحه
لك التحيه

الله يعطيك العافيه اخوي الغريب على الكلمات الحوله الصراحه كلها حلوه مافيه شي يفصل عن الثاني

انشاءالله نشوف المزيد منك

البزوع هناك موضوع لك اذهب وتصفحه ؟؟؟؟

نـ المجروح ـاد الف شكر لك على ردك الجميل والله يعطيك الف عافيه وما قصرت