|
قصيده رائعه لتركي بن حميد
[align=center]السلام عليكم ورحمة الله وبركاته
اسعد الله اوقاتكم بالخيرات والمسرات قصيده رائعه وجميله رغم كثرة ابياتها ولكنها ممتعه .. حبيت ان انقلها لكم وان شاء الله تعجبكم تلعب طرب وأنا بنومـي هواجيـس ماسامرك بالليـل كثـر الهمومـي أسهر إلى نامت عيـون الهداريـس بالليل أساهـر ساهـرات النجومـي أونس بقلبي مثل صلـي المحاميـس الله يلـوم اللـي لحالـي يلـومـي قالو جهلت وقلـت جهـل بلاقيـس الجاهل أللي مـا يعـرف اليمومـي أشـوف عـدلات اليالـي معابيـس ولأحد من الدنيـا عظتمـه سلومـي ما ينيني بنيان مـن غيـر تاسيـس ومن لا تعلـم مـا تثيـب العلومـي ولاخير في كثر الحكـاو التماليـس وقـول بلافعـل يجيبـه وهـومـي واليا ركبت إمعالجـات المضاريـس يبرد على كبـدي لهيـب السمومـي بالليل أصالي حاميـات المحاميـس والصبـح أصالـي كـل قباوكومـي وأقفن بنا مثـل النعـام المماريـس إلى هف عجل مع رفيـع الحزمـي نستلحق اللـي يطلبـون النواميـس اللي من الاقصين وأدنـا اللحومـي ولومي على أللي ينقلون العبابيـس أهل الفرنج وكـل رامـي لحومـي وشلفت تركب بالرمـاح الأناسيـس وسلت المهار وكـل قبـا قحومـي والعز فوق معسكـرات السواديـس إلى قصدت اللـي بالاشيـا رحومـي قـب تنـازا بالنشامـا كـراديـس والطيـر فـي روجاتهنـه يحومـي إن جن بالميـدان مثـل الدواويـس وتعاقبوا مـن فوقهـن السهومـي عـرج بهلهـن كنهـن القرانيـس على الطريح مصوبـرات كضومـي حتى يزن إلنـا المثـل والتوانيـس والكيف طاب لمـن يفـك القحومـي ومن لا يقلط شذرة السف والكيـسي صبح عليـه مـن اليالـي ثلومـي ومن لا يدوس الراي من قبل لاديس عليـه دا سـوه العيـال القرومـي ومن لااخذ الدنيـا بميـز وتقييـس مثل الـذي يسبـح ببحـر يعومـي كل القلـم مـن كتبنـا بالقراطيـس وركبنـا مـن كثـر الادلاج تومـي وشيخ لنا يعطي الفقارى المفاليـس عسـاه بالدنيـا بـعـز يـدومـي حـر ليـا دبـت عليـه النواميـس إليا اعترض جول الحباري صرومـي اليا اكترب من بعض الأشياء سبابيس أعـزم ولا بـد الفـرج للعزومـي ثوب الفرح لبسك نظيـف الملابيـس إن قيل بابـام الكـرب والزحومـي واعمل وتلقا وفهـم العلـم بالقيـس دنياك لـو زانـت تراهـا نقومـي تضحك وتخفي لك خفـي الهناديـست فطـر لنـا يـوم ويـوم تصومـي أربع اسنين ودمع عينـي أماريـس العين تسهـر كـن فيهـا الهزمـي يجلى صدا قلبي ضبيـح المهاريـس لاجاك شـراب الحشايـش يعومـي ودلال فـوق النـار دايـم محابيـس إكرامهـن دايـم علينـا لـزومـي . تركي بن حميد[/align] |
الله يرحم شيخ قبيلة عتيبه الفارس الشهم تركي بن حميد-وهو شاعرذو فكر وحكه- فله ايضن قصيده يحضرني منها بيت
ماني بمسكينن همومه تشايله*** انا الياضاقتعليه تفرجت وله الكثير واخيرن صح ذوقك اخوي البراق على النقل الجميل |
ولاخير في كثر الحكـاو التماليـس
وقـول بلافعـل يجيبـه وهـومـي الله الله الله صح لسان الشاعر وقصيدته من نوادر الشعر الشعبي ومن الحكم النادره التي نبعت من تجارب الحياه اشكرك اخوي البراااق وكعادتك دائما مايزداد بريقك بأختيارك وفعلا اسم على مسمى وتقبل مني خالص الود والتقدير |
إختيار جميل لقصيده لانمل سماعه لشاعر وفارس قبيلة عتيبه تركي بن حميد
سلمت لنا هذه الذائقه اخي البراق اخي عبدالله العنزي البيت الذي ذكرته للشاعر الكبير حجرف الذويبي في قصته المعروفه وليس لتركي بن حميد يقول ابن عياد وإن بات ساهـر .............. ماني ولد خبلٍ همومـه تشايلـه أنا ليا ضاقـت عليَّـه توسعـت ................... يرزقني اللي ما تعـدّد فضأيلـه ماني ولد خبلٍ ليا قـل مرزقـه ................... ضيَّق بربعه يوم قلـت محايلـه يرزقني رزاق الهوايش بجحرها .................. لا خايلت برقٍ ولا هـي بحايلـه ولا حدّرت زملٍ نصى صوب قريه ................... ولا وَرَّدَت عـدٍ قـراحٍ ثمايلـه ورزق غيري يا ملا ما ينولنـي ....................... ورزقي يجي لو كل حي يحايلـه دمتم بعز |
الله
ماجمل الماضي رائعة |
اشكرك اخوي الزعيم على التوضيح والمعذره لذويبي
|
الله
ياعينى ع الاختيار رائع انت ابو احمد |
اقتباس:
عبدالله العنزي سلمت يمينك اخي على مرورك ومشاركتك الرائعهة والجميله ومشكور يالغالي على تواجدك وحضورك المميز دمت بالف خير |
اقتباس:
سلمت يمينك على هذا الحضور الرائع والجميل وشرفني تواجدك ومرورك الكريم لموضوعي وشكرا لك على هذا الاطراء الجميل وهذا من ذوووقك وطيبتك دمت بالف خير وعافيه سلالام |
البراق
تسلم يمينك اخوي على الاختيار الجميل ... الذوووق لاهل الذوووق لا هنت |
| الساعة الآن 02:31 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة