![]() |
ابو مشاري تعال...
السلام على الجميع ورحمة الله وبركاته....
اخوي عبدالعزيز انا مريت قبل شوي اتصفح موضوع الذاهبة اللي في المنتدى العام... وبعيدا عن اي سوء فهم ممكن يحدث تجاهي فأقول لك تمون ولك بوسة خشم ...ولكن آخر ماكنت اتوقعه منك ان تفقد الكياسة مرة ثانية فانت ياعبدالعزيز اخطأت بالدخول الى هناك من الاساس وحققت غرضا سلبيا لم يكن له مايبرره ابدا كذلك الاخ سلطان والاخ سلمان ويعلم الله اني راسلت سلطان يوم الجمعة وطلبت منه الخروج ولمحت له بأن يطلب منك ذلك ونصحت سلمان بالخروج ايضا ولم يخطر ببالي اسماءكم وهذا لايليق اصلا ولكن للاسف الشديد انتم اسأتم التقدير بالدخول المتشنج الى هناك فطبيعة القسم العام لم تعتادوا عليها ولم تعتادوا على ادوات التأثير الايجابي التي تحقق لكم غرض التداخل وهذا بسبب غيابكم الدائم عن تلك الساحة المهم اثناء تصفحي للردود وجدت قصيدة لك وعند قراءة اول بيت كريم منها وجدتها على وزن وقاقية قصيدة انزلتها انا هناك فعلمت انها هجائية كريمة منك فلم اكملها بصراحة لاني لم ارغب ان تقع عيني على امر لم اعتده منك وانا اعلم انها جاءت كردة فعل غاضبة تجاه شخابيطي الشعرية هناك ولذلك اعذرك حتى لو زعلت مني يالغالي ولكن يعلم الله يا ابو مشاري اني يوم اكتب ابياتي ماني يمكم ولا يم احد من اللي يحطون صورهم او شعراء او خلافه هذي فكرة سيطرت على رؤوسكم بسبب العجلة وبسبب طبيعة ذلك المتصفح التي ربما ساهمت في هذا الانطباع عندكم ولكن ابياتي يبو مشاري مرتبطة بنوعية بشر تطرقنا لهم في المنتدى العام في رمضان الماضي وكنت انا طرفا رئيسيا في ذلك الموضوع ...ثم استثمرت موضوع الذاهبة لاسدد المزيد من التحقير الى تلك الفئة من الناس والا والله يا اخي منتم من الامر في صلة ومحشومين يا اخي ... عبد العزيز ..اعيد واكرر انني لم اقرأ قصيدتك..ولن اقرأها لأني اعلم ان عندك خير من هذا..وقاتل الله الشيطان الذي يدخل بين الاخوان... ولمعلوميتك اول ما المح لي سلمان في الخاص ان قصيدتي غير مناسبة ولا لها داعي طلبت من عبدالله الحلوة حذفها لأني كنت مستعجل بسبب الاقامة لصلاة العصر...والحمدلله اني رجعت الآن وقد ازالها عبدالله الحلوة.... المهم يا ابو مشاري... صدقني يالغالي اقول لك مثل ماقلت للاخوان سلطان وسلمان..انتم دخولكم ضركم واساء لكم ..لانكم بعتو في سوق ماهو سوقكم...والكيس الفطن ما يرمي الا هو مقدي.والا يخلي طلقته في جرابه... امس لقيتك على المسنجر وشفتك متواجد وكنت بحادثك لكن والله مدري وش صدني!!! يمكن الشيطان كان يحوك بيننا يا أخيي...انت غفلت وانا غفلت وماحصل الا الخير وتمون تمون تمون.... هيا عاد قول تم.... المهم انا نزلت هذا الكلام هنا عندكم لاني لقيت الموضوع مغلق ومابغيت ارسله لك على الخاص ليطلع عليه من يرغب ...وعشان مايقول لك شيطانك لو لمبة صادق كان قاله قدام الآخرين..وهذاني قلته قدام العالم وخل ابليس الرجيم ينلعن... اذا قريت يبومشاري وطاب خاطرك لا مانع من حذف هذا المتصفح... |
كفو يالمبة شارع كل الشكر والاحترام لشخصك وموقفك الطيب تجاه ازالة اللبس من نفسك اخيك المسلم وابومشاري ماهو بعيد عن هالمعاني الاصيلة وشيم الرجال والتقبل وسوف تجد دليل كلامي هذا عندما يرد عليك ابومشاري ووالله لولا وجود اقلام مثلكم لم يبقى احد بالمنتدى فأنتم بارك الله فيكم جميع واكثر من امثالكم تعتبرون قدوة لكل عضو.
الله يديم المحبة والتسامح |
أخي الغالي : لمبة شارع حقيقة لم أستغرب منك هذه الكلمات التي قرأتها وأنا أثق بأخلاقك العالية كما أثق بأخلاق شاعر المنتدى أبو مشاري أتمنى أن يكون ما حصل دافعاً لزيادة المحبة فيما بينكم تقبلوا تحياتي وتقديري لكم ولكل أعضاء المنتدى الكرام أخوكم المحب لكم : ابو هليل |
الله يلعن الشيطان وحزته
الله يلعن الشيطان وحزته الله يلعن الشيطان وحزته والله يالغالي ان لك معزه بقلبي آآآآآآآآآآآآآآآآآآآآآآآآآآه انت تعرفني يالغالي وتعرف غلاي لك وتعرف اني من أشد المعجبين بك وبرجولتك التي أعتز بها ووالله اني ما ارضى عليك بشي سواء من قريب أو من بعيد والله يلعن النت وساعته اللي يخلينا نغلط على أعز الناس عندنا ولكن على ماقلت ابليس اللعين حضر بيننا وثق أخي الغالي أن ماكتبت من خرابيط لست أنت المعني بها ولكن هناك الكثير ممن أعنيهم في قصيدتي هذه ولو أنها جائت على قافية قصيدتك لقد جائني اتصال من أخي سلطان الشوق وقال لي فيه واحد طالبك بخيمة الشعر وقلت يالله عسى خير وفتحت الجهاز إذ به أخي وصديقي الغالي الذي طالما سهرنا سويا على الماسنجر نتحدث بكل صفاء حديث الأخ لأخيه وطالما تسامرنا على أبيات الشعر بيتين بيتين تذكرها أخي العزيز إنني من هذا المنطلق وهو منطلق الأخوه أقول لك يعلم الله أنك في نظري شامخا عزيزا أعتز بك والآن زدت في نظري وشموخك لا يضاهيه شموخ فالرجل قد يفقد أعصابه ولكن الرجل الحقيقي هو من يمتلك الرجوله الحقيقيه مثلك فأنت عنوان الرجوله ونبراس المحبه الطاهره أسفي الشديد على نفسي بتسرعها وأكثر ما ضايقني اليوم هو أنني توقعت أني فقدت رجلا كان رمزا لي ولكن ولله الحمد هانحن نودع بعضنا البعض بكل صفاء وطيب نيه الحمد لله على ما أزال من غمه والحمد لله أن القلوب صافيه والحمد لله أنك بقيت في نظري كما أنت بل ازددت سامحني يا أخي العزيز وهكذا يليق بأمثالنا الوداع وانا والله كرهت النت كله لأنه جاب راسي ومع من مع أعز صديق آمل مسح قصيدتي التي أسميتها الآن ( الخبيثه ) لقبحها مع السلامه يا أعز شخص عرفته وألف شكر لكل من شاركنا في هذا المتصفح وما هو إلا دليل على نقائه وصفاء قلبه تحيات ملؤها الدموع ويعلم الله أنها خانتني دمعتي ليس لضعف ولكن لمواقف الرجال التي لا تحصى بثمن |
اخي لمبة شارع جميل هذا النقاء والصفاء الذي يجعلنا نثق برجاحة عقول الكثيرين هنا
سوء الفهم في المنتديات بصفه خاصه أمر حتمي ووارد وبمثل هذا التناول تطيب القلوب ويزال اللبس ابومشاري كريم ويستاهل وأنت كفو دامت أخوتكم وأخوة الجميع |
اف منك.....!!!
يعني لازم ترصني ساعة عشان ترد وانا قاعد اتفرّك هنا..!!؟؟؟ يعني تلعب باعصابي ....اوريك يالعنزي.!! تدري ياابو مشاري اني ماني زعلن منك مهما كان...المهم انت بس لاتزعل وطيّب خاطرك يا اخيي ومهوب كفو ابليس.... كل الشكر للاخوة الذين اضافوا ردود هنا.... |
.
. الحمد لله والحمدُ لهـ اخرى ان هدى اخينا الفاضل لمبة شارع الى كتابة هذا المتصفح واللذي اراهـ ولله الحمد قد جنا ثماراً طيبهـ ولولا النيهـ الطيبهـ والصادقهـ لما تصافت النفوس ... من القلب شكرا لكـ لمبة شارع ومن القلب شكراً لكـ استاذنا القدير عبد العزيز ونرجوكم جميعاً لانريد كلمة الوداع هنا فحروفكم اضأت ومازالت تضيء وماهذهـ الكلمات الصادقهـ والدموع الطاهرهـ الا رمز صدق لحروف مافتأت تنشد العُلى انى اتجهت اجد في نفسي سعادهـ غامرهـ لكـ الحمدُ في الأولى و الآخرهـ . . |
شكرا اختنا الجليلة ابعاد...
اقتباس:
انا من سروري بردك لم التقط هذا الجزء بمعناه الضاهري الا بعد مداخلة اختنا ابعاد.... ابو مشاري.... سوف اعتبرك لم تقله....واذا اصريت عليه ...فترى بيصير عندي ثاني حال.... يعني محجور محجور.... وترى الطيب مايعطي بظاعتن مزجاة....!! |
اقتباس:
|
الحمد لله ان قلوبكم متصافيه ومن اجمل ماشاهدت ان يكون الانسان بهذا السلوك رلمبة شارع شكرا لك على الافته والمحبه وابومشاري كل الشكر على طيبة قلبك وسماحتك ودك الامن جتك الغلطة من الناس القراب الصاحب الي ماكسبت محبته ماتخسره مشكلتي اني ماعرفت احسب لصدمتهم حساب قلدتهم صدري على ذكري قصيد وحنجره مافيه دموع صوبوه احبابي بوجهي وخاب ولازرق حزني على غالي ولافج نحره كل الزهاب الي معي ذكرى من اصحاب ازهاب والي بقالي من عذاب اشرس طريقي واخطره لاني تجنبت الغرق عديت من فوق السحاب ولان اكثر احبابي ورق ماشفت لطيب ثمره والله حاط بين الحقد والخوه حجاب حتى غدو ربعي يحدوني على الضيق اشكره اثر الجروح ماتجيك الامن الناس القراب وبها الزمن حتى الخوي الي تثق فيه إحذره لابارك الله في رفيق تزعله كلمة عتاب وان زعل قولوله ماحرك فيني شعره الصاحب الي ماتجي من صحبته الا العذاب نذر علي اما هجرني والا انا بهجره من يفتح لفرقاي باب ، افك له عشرين باب واذا حبيبي ما يقدر محبتي ما اقدره إما ذخرني صاحبي لليوم السود ماذخره عقب إكتئاب البارحه ماعاد انا حمل إكتئاب الطيب جرجرني وانا مانيب ناقص جرجره انا تجرعت الظما لين احترق وجهي وذاب انا كسرت بخاطري قبل الحب يكسره انا خسرت الي غيابه غير عن كل الغياب انا غفرت لعالم ماتستحق المغفره انا اكثر انسان تعلم من كثر ماخطا وصاب انا اخر لسان يتكلم في زمان الثرثره يالربع هذي قصيده حافظها بس مدري حقت من ؟ وتذكرتها لما شفت الكلام هذا قلت خل بسليكم في كلماتها (مجرد تسليه ) |
شكرا اخوي فتحي لشعورك النبيل وتقبل تحية طيبة..
اقتباس:
وبعدين السوالف موضة ها الايام ..!! أنت ماشفت( بيب بيب) وهو يكتب شكرا على الموظوع ؟؟؟ |
السلام عليكم00
ما أروع الكبار عندما يتخاصمون ويتصافون0 لم أستغرب هذه المبادرة الطيبة من اخي الكريم لمبة شارع الذي أعرف عنه وكلي يقين بانه يحمل قلبا أبيض للكل ولا يحمل في قلبه سوى الحب والخير للجميع0 واما شاعرنا اخي العزيز عبدالعزيز العنزي فمهما قلت تظل مكانته عالية وكبيرة في قلوب الجميع ومن خلال معرفتي البسيطة فيه أقول واردد له00 أجواد ولد اجواد جيل ورى جيل000الطيب فيكم من قديم وتوه0 وللحق ومع بالغ احترامي للكل هنا يظل شاعرنا عبدالعزيز هو نور وضياء وشمعة هذا القسم0 نحن نختلف مع بعض00ونتنرفز ونخرج عن طورنا بمساعدة الشيطان لكن ما أن نبصر نكتشف الخطأ والخلل وكم هو جميل أن نعتذر وكما تعلمون الاعتذار لا يقوى عليه سوى الرجال وقبول الاعتذار لايقبله الا الكبار0 فهنئيا لنا تواجد العزيز لمبة شارع والغالي عبدالعزيز وادام الله هذا الحب بين الجميع0 خالص تحياتي لكم0 مبادرة |
تقديم الاعتذار والتسامح وقبوله دليل النقاء والصفاء
لا أملك الا أن أقف احتراما وتقديرا للفاضل لمبة شارع والعزيز عبدالعزيز العنزي0 منكم تعلمنا وما زلنا نتعلم0 |
[align=center][poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
طلبتك يـآبو مشاري .. وترى المطلوب من شاني = ومن شآن الزعيم أرجوك فكّر بالّذي قلته قسم بالله منزلتك .. كبيره طول الأزماني = مقامك فوق هالهامه ولا في يوم نزّلته لك آبكتب قصيدي وأنثر أبياتي وأوزاني = لأنك غالي .. والغالي أبد مايوم قد بعته كثيير نشوف بالدّنيا ... عدد أشكال وألواني = ومنهو مثلكم يبقى عزيز وماقد أهملته خيام الشّعر لو ترحل .. تعيش بهمّ الأحزاني = تبي تذكر قصيدك يوم هالآحساس وصّفته ولو ترحل ترى شعرك بيسأل: ليه ماجاني ؟ = بيسأل: وين طلاّته بيسأل: ليه ما شفته؟ بيسأل: ليه يهجرني وهو لا طقّ بيباني = أصفّ البيت لعيونه يازينه يوم صفّفته تحاورنا أنا وإياك وحاورتك بقيفاني = قصيدك جزل وأبياتك تروّع يوم زخرفته ترانا أصحاب لا ضاقت أبي أنخاك وتنخاني = وترى أفخر ليا قالوا : صحيح فلان صاحبته؟ ترى ما همّني هذا ولا هذا ولا الثّاني = أنا ما همّني إلاّ رفيقي يوم رافقته على شاني إذا لي قدر آبي آطلب على شاني = طلبتك فكّر بحكيك وفكّر بالّذي قلته[/poem] وسـلآمتكمـ .. عبد العزيز لمعزّتك .. ولقدرك .. كتبت آحترامي لك لمبَـه ..وتقـديري فليس غريباً على من هو مثلك هذا التصرّف الإيجابي .. سلمان بن عبد العزيز[/align] |
[align=center]الله الله مااروع الأخوه والتسامح
مشكور اخوي لمبه على فتح هذا المتصفح لكي تصفى النفوس وهذا عشمي فيك يالطيب وكل الشكر لأخوي عبدالعزيز على هاذي الروح الطيبه ودامت المحبه بينكم كلكم حلو شفنا بالمتصفح اعضاء ليت نشوفهم دايم في خيمتنا 0 صح لسانك اخوي سلمان ابدعت في كل مانضمت يالقرم ويستاهل ابومشاري وانا بعد بشارك بكيبورديه متواضعه لعلها ترتقي لذائقت شاعرنا الكبير ابومشاري وهي مجارات لشامخة اخوي سلمان0 [poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,5,gray" type=2 line=0 align=center use=ex num="0,black"] سألني القاف وهو يبكي وشو صار سلطاني = علام الزين متضايق علامه مفارق الحته مايدري انه لافارق بيكون الهم عنواني = وبذوق الضيم في غيابه ومالي بالهوى لفته مايدري ان بغيابه كل الخيمه تعاني = وكل القاف من دونه مايسوى ددسنن خسته!! الا ارجوك ياسلطان قله جيته داني = هذا اقصى مااطلب منك وهذا كل مااردته وانا اقول اسمع الكلمات نزفها قلبي ولساني = ماهو هرجً سمعته ثم خذيته وقمت عدلته يابو مشاري ترى حبك يسير بوسط شرياني = ومعزة واحدً مثلك انا والله ماذقته انا طالبك يالصاحب قبل مايثبت جناني = تنسى الماضي اللي فات وتنسى كل سالفته صحيح السالفه هزك وأنا هزت لي وجداني = ولكن نعرف الطيب مبين من ماركته !! انا ارجوك يالغالي لا لاتخلين وحداني = ترى حظي نقص دايم ولكن انت زودته[/poem][/align] |
الساعة الآن 10:56 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة