سهم الحـــــــــــــب
 

سهم الحُب .............
_________________


الله... من ليلٍ طويلٍ سريته

برد وتعب وجبال وطعوس واشواك

اخفي عناي وآخر الليل جيته

راح الظلام وسبب اوجاع وارباك

الفجر.. مات السر في عقر بيته

والنور متغطرس بلا وعي وادراك

والصدق والاخلاص ماضي نسيته

والشوق سهم الحب لوصابك ادماك

حتى الصراحه هاجسك لو جفيته

ترسبت واعشوشبت في حناياك

يا صاحبي.. راسي ابد ما حنيته

والقلب يخضع غصب بحلول طرياك

كل الحديث اللي بوجهي قريته

اقول ما احبك وبجنوني اهواك

صدق الغلا في ناظري ما خفيته

عطشان اجيلك مبتسم واتقهواك

ادري ان طبعك شين مهما احتويته

تخضع لرغباتك وتغرق بدنياك

احترت كيف اهدم جدارٍ بنيته

لكن هذا واقع الحب وياك

صمتك كلامٍ بان لو ما حكيته

فهمت قصدك قبل تنطق به اشفاك

فا لله يسهل لك مع اللى هويته

وانا يصبرني على حر فرقاك


ولكم تحياتي .

طير الوسيطي





كلمتك تعجبني


اهديك تحيه



تحياتي



كيمو

الاخ العزيز الكميائي
شكرا لك والله يعطيك العافيه
ولك تحياتي .

طير الوسيطى ..
ترى من يدفك لكتابة هذه الجميلات من الآبيات .

أتمنى منك أن تبعث له أرق تحياتي .
وأنت كذلك لك نصيب من التحيه !!

شكرا لك
وما يعلم بالقلوب الا رب العباد
وتحياتي .