|
هل مهر الفتـــــــــاه دليل ع قيمتهــــــــــــا
هل مهر الفتاة دليل على قيمتها ؟؟؟ موضوع للنقاش الهادف امل من الجميع المشاركة باراءهم الفتاة في نظر اهلها جوهره غاليه لاتقدر بثمن ولكن هل هذا عذر او سبب في غلاء المهور ؟؟ ظاهرة تفشت في مجتمعنا وتحتاج لمناقشة الأسباب التي جعلت هذه الظاهره تزداد يوماً بعد يوم احببت ان اطرحها في منتدانا ونناقشها سوياً للبحث عن الأسباب وماهي الحلول من وجهة نظركم ؟؟ لا شك ان المهر له حكمة إلهيه وهي تعبير خاص عن مكانة الحياة الزوجيه ورفعة شأن الفتاة وإيماء برغبة الشاب الزواج منها قال الرسول صلى الله عليه وسلم (خير الصداق ايسره) ولكن مانلاحظه في هذا الزمان يصل مهر الفتاة لأرقام خيالية وخارجه عن المألوف وتكاد لاتصدق !! فـ هل مهر الفتاة دليل على قيمتها او على قيمة غلاوتها عند اهلها او لمن يتزوجها ؟؟ او انها مجرد تقاليد لا معنى لها وجدت في زمن يطغى عليه المظاهر والبذخ والمفاخره بين الناس ؟؟ سؤال يبحث معظم الشباب عن اجابه له دوماً ما الذي يحدد قيمة المهر ؟ هل هو مستوى جمال الفتاة او اصلها او المستوى التعليمي او المادي ... الخ ومن المسؤول عن هذا الأمر هل هو ظلم الأب وجشعه وطمعه لبناته كسلع للمتاجرة بها او بيعها او عدم بيعها ابداً في حالة ان تكون موظفه لأنه يراها كبنك متنقل !! او ان هذا الموضوع يرجع الى الفتاة نفسها لانه يصبح مصدراً للمفاخرة بين بنات جنسها واعتقاد بانها ستتميز عنهن كلما زاد قيمة مهرها !! .... قال الرسول عليه الصلاة والسلام (اكثرهن بركة ايسرهن مؤونه) قضية غلاء المهور جزء بسيط من عدة قضايا تعرقل الزواج وتصعب الأمر على الشباب اسئله محيره تراود الشباب وتختلف اسبابها لدى الفتيات احببت طرحها ومناقشتها معكم اتمنى اجوبه صادقه من البنات ومن الشباب للوصول الى نتيجه او حل... |
هلابك يالغاليه
انا عن نفسي اتوقع المهر ماله قيمه كثيرة اهم شي تلاقي شاب خلوق يخاف ربه فيك ويعاملك بالمعروف وتعيشو بمحبه طول العمر ... وبالنسبه للغلا بالوقت الحالي اتوقع عشان ارضاء غرور الاب والاهل عموما.. البنت اهميه المهر عنده تكفي اغراضه واحتياجاته . رأيي |
لا أعتقد بأن قيمة المهر يساوي شيئا من قيمة الزوجة بل أن كل ماقلّ مهرها زادت فيمتها لدى أهلها وزوجها
والتوفيق بيد الله وليس بعلو فيمة المهر ولا نقصه |
بتله تشكون ارتفاع المهور وانتم شبه ماعندكم مهور اصلاً المهور هنا متيسره وبقوه http://msn.ta7a.com/smilies/yello_small/p%20%286%29.gif لو من الشباب اعرست على ثلاث بليله وحده تصفيه شاملهhttp://roo7najd.com/up//uploads/imag...2d591d07f7.png واذا تقصدين مهور اهل الجنوب والشمال هذي ترجع لسلومهم مالها دخل بقيمة البنت نفسها بعض بناتهم مايقرن ولايكتبن ومهورهن 200 الف يعني بقيمة جيب ليكزس استعمال امريكيhttp://roo7najd.com/up//uploads/imag...2d591d07f7.png |
المعروف خمسين او اربعين الف بس ليش وصل خمسين مادري ؟؟!!
المفروض 20 او 10 الاف يكفن مهر وشوله الطهبله والفسق |
عن عائشة رضي الله عنها أن النَّبِيّ صَلَّى اللَّهُ عَلَيْهِ وسَلَّمَ ، قال : ( أعظم النساء بركة أيسرهن مؤنة ).
أفبعد كلام سيدنا عليه الصلاة والسلام كلام يناقش ؟؟؟ لاحظوا كثرة الطلاق والسبب (البذخ والإسراف والغناء وقلة الحياء اللي تحصل بين النساء بقصور الأفراح من عري واستعراض للمفاتن) . من وين تبي تحل بركة الملك الجبار جل جلاله على أي زواج فيه تلك الأشياء التي تغضب ربنا جل جلاله . |
اقتباس:
واذا طق عليك مره مطلقه ودفعله مهر 30 او40 ساعتها ماينفعك الندم وهو اذا تزوج عليك راح يصير مقتدر ويزيد المهر عشان يوافقون وهو متزوج وعلى قولت قتاله المهر متيسر مساعدات من الاقارب والجمعيات وجهات الاقراض .وو وبالنهايه راح تبيع من الذهب اذا احتاجت او قصر عليه مستقبلاً انااشوف المهر40 50 مناااسب جداً لا بعد واللي بتسوي حفله ماراح تطول منهن شي بعد الاسعار ناار والذهب أسعااره خياليه |
بعض القبايل والأسر يبالغون في المهور وبشكل خيالي
وبعض الزوجات مهرها غالي وهي غاليه وبعضهن مهرها رخيص وهي كذلك :( المقاييس لاتخضع مؤشر واضح ويبقى التوفيق في الحياة الزوجيه أمر مهم |
|
أفبعد كلام سيدنا عليه الصلاة والسلام كلام يناقش ؟؟؟
ايه يناقش :) اللهم صلي وسلم علي عبدك ورسولك محمد |
مع متطلبات الحياة والغلاء ..
مازال المهر كما هو .. الهيلكس اغلى من مهر الفتاة .. ليتهم يربطون المهر باليورو .. |
نرى ونسمع الكثير يشتكون من المهر
المهر هديه من الزوج لزوجته تعبيرعن مكانتها وتقدير لها موب تفاخر وبيع وشراء للبنت او دليل على قيمتها |
اقتباس:
هههه حشا علاج :| قولي ليت الأبوان مايكبرون راس الاشهب بالمجلس وهو يخطب منهم ياوليدي حنا نشري رجال ماهمنا المال :| وبعدها بكم شهر يكتشف الشيبه انه لا شرى رجال وضيع المال :/ |
اقتباس:
يشري رجال .. رجال هذا الوقت يخوفون .. شفت قبل كم يوم رجال حاط شباصه اخته .. ورابط شعره من الخلف ذيل حصان .. http://photos.c00c.com/data/media/1/man%20(1095).jpg |
حيالله ملكة الخوالد
موضوع طيب جدا غلاء المهور من المهم ان يعرف انه لايقتصر على بلد دون بلد ففي الشرق والغرب غلاء مقارنة بوضعهم الاجتماعي وهو لايدل على قيمة البنت او لا انما هي من العادات الجاهلية والاستنفاع من هالمسكينة والا وش دخل الابو والام والاخوة ياخذون من المهر ؟؟ وعموما تراهن بيرخصن إِنَّ مِنْ أَشْرَاطِ السَّاعَةِ أَنْ يُتَّخَذَ الْمَسَاجِدُ طُرُقًا ، وَأَنْ يُسَلِّمَ الرَّجُلُ عَلَى الرَّجُلِ بِالْمَعْرِفَةِ ، وَأَنْ تَتَّجِرَ الْمَرْأَةُ وَالرَّجُلُ جَمِيعًا ، وَأَنْ تَغْلُو النِّسَاءُ وَالْخَيْلُ جَمِيعًا ، ثُمَّ تَرْخُصُ ، فَلَا تَغْلُو أَبَدًا |
اهلاً ياغاليه ، .
المهر هو حق للزوجه على الرجل ، ودليل على الرغبه بالنكاح بها ، و لا يقاس المهر على جمال الفتاة او مكانتها لدى اهل الزوج او اهلها انما هو فقط حق لها قل او زاد لا يعني ان مكانتها تقل معه و تزيد ، . وبالنسبه لسؤالك مالذي يحدد المهر ، حالياً اعتقد على العرف ، اي ماتعارف عليه الناس وألفوه ، وغالباً ما يتشرط في طلب زيادة المهر هو والد الفتاة لطمعه بالزوج ، . تحيتي لك ، . ~ |
كلما زاد البعد الشرع كلما زاد المهر
وكلما تمسك الناس بتعاليم الشرع وطبقوها وجعلو الرسول صلى الله عليه وسلم واصحابة قدروة لهم كلما قل المهر |
الله يهني البدوي بالبدويه ويهني الحضري بالحضريه .
حنا يالحضر نشري رجل مهوب نسلخ الرجل .ابتكلم عن بيت ابوي ومن حولي . ابوي بما ان احوله مقتدره لاياخذ الا نسبه من المهر ويرد الباقي ويتكلف بامور البنت والزواج والى اخر شي البعض من خواتي حتى سفر شهر العسل على حسابه . اما اعمامي لاياخذون الاالمهر مع الشبكه ويتكفلون بالباقي . الزواج شراكه اسريه مهيب ارهاب واجرام برجل ينتف تنتيف علشان مايقدر يزعل المرأه لانه خسران عليها مبالغ كثيره على حسب نظريت البعض . وكلن بعقله راضي .. |
تذكرت قصة بنت زوجها ابوها لولد صديقة وكان يعز صديقة
معزة كبيرة وكانوا اكثر من اخوان وتقدير لهذة المعزة جعل مهر البنت جدا زهيد وبعد ما تزوجت صارت مشكله بينها وبين الزوج وقال لها انتي قدرك قدر كيس بصل وراحت البنت لبوها وقالت له القصة وبعدين لما جا الزوج يبي زوجتة رفض الاب وقاله جب 100 الف وتعال خذها هههههه انا اشوف المهر حق لزوجة مال لاحد دخل فية ولا يكون زهيد مرره ولا هو مرتفع كثير خير الامور الوسط لان بعض الرجال لا تقدر المراة ولسنا في زمن الصحابة |
اقتباس:
فالموضوع عنوانه وااااضح (هل مهر الفتاة يدل على قيمتها ؟؟) . فكان جوابي هو كلام سيد البشر إختصار للوقت والأخذ والرد وفي النهاية سنعود لكلام سيدي وحبيبي محمد صلى الله عليه وسلم . هذا ماقصدته ياحبيبي |
اقتباس:
هلابك اختي .. فيه مثل ماتقولي ارضاء غرور الاب والاهل بس فيه كثير من الاهل فيهم الخير ولا يبون ايكلفون ع المتقدم فوق طاقته بالأخير هم يبون سعادة بنتهم احترم وجهة نظرك شكرا لك |
اقتباس:
كــــــــــلام جدا سليم اوافقك عليك ولا يحتاج تعقيب |
اقتباس:
بحكم اني من الشمال غلاء المهر عندنا مثل عندكم متفاوت ع حسب قدرة الشاب ولا توصل الى 200 الف والحين مافي شي منشان عادات. الحياه غاليه مو مثل اول بسيطه ولا هو من المعقول اذا كان الشاب دخله بسيط انحمله فوق طاقته |
اقتباس:
مثل ماتعرفي الحين صار كل شي غالي والعشرين او العشره انا اشوفها ماتكفي الخمسين جدا مناسبه |
اقتباس:
ارفع قبعتي احتراما وتقديرا لكلماتك .. صحيح للأسف هذا اللي صاير بس الحمدلله هذي فئه من الناس وليس الكل |
نعم يدل مقدار المهر على قيمة الفتاة .
انا شخصيا لا يمكن ان ادفع مهر الا بعد ان اشوف الفتاة واقدر كم تسوى .؟ |
اقتباس:
من هم المبالغون انا برأيي المقتدر اللي دخله ممتاز ايحق له انو يقدم مهر غالي هنا مافي مشكله لانه ايحقله بحكم غناه.. لكن المشكله اللي دخله بسيط ويقدم شي فوق طاقته ومثل ماتقول الاهم التوفيق |
ماله دخل بقيمة الفتآه ماعتقد وحده بيكون تفكيرها انها قيمه بفلوس !!!!
قيمتها بأخلاقها وسمعتها بالنسبه للمهر البعض عندهم عآدآت بغلآء المهر !! |
اقتباس:
اذا هم يستطيعون ع 100 الف بدون سلف وقادرين عليها وش المانع مايقدمها مااتوقع ان الزوج يستحقر الزوجه مشان بساطة المهر |
في ظل متغيرات الحياة ..
والغلاء الحاصل في المعمورة .. تختلف قيمة المهر من عائلة وعائلة وقبيله وقبيلة وهجره وهجره .. المتعارف عليه هو مابين الــ 40 الى الـ60 الف للبنت البكر .. ويكون هناك إتفاق حول تكاليف ليلة الزواج بين العائلتين .. هناك جماعات فيه مبالغه في المهر قد يصل الى 200 الف وكل هذا على ظهر الشاب ولو قسنا تكاليف الزواج من ناحية القصر والعشآآ والقهوه والبخور كل هذا على عاتق رقبة الشاب .. قد تصل فيه القروض الى سنوات كثيرة كان من الممكن الآستفادة منها لصالح الزوجين بشراء آرض أو بيت صغيرأو سيارة جديدة ويكون هناك حفل مبسط يجمع آهل العروسين ومن يعز عليهم .. لكن المصيبة آصبحت الفنادق والقاعات والقصور مجرد تفاخر والغريبه آبطالها الأمهات كل وحده تقول الآ بنيتي والآ وليدي لازم يظهر بأبهى حلة في العرس ليش آحنا آنقص من الفلان والعلان .. للأسف الزوآج هو بركة وتيسير لكن البعض حوره الى مناسبات وهياط وتفاخر وإسراف وبذخ وبوفيهات وزفه وشبكه ومدري من هالمصطلحات الدخيله على مجتمعنا .. والغريب آن الفرح هو للأطفال وهم ممنوعين من دخول المناسبات .. حتى مايحوسو على قولتهم المناسبة ويلعبون بالحلا والفطااير .. وحتى آصبحت ظاهرة البطاقات الخاصة في التقليد الآعمى ... بينما يتكلم الأولين بأن المناسبات كانت تجمع جميع آهل الحي بكل آجناسهم وتصنيفاتهم .. والكبير والصغير بأيسر السبل لظهور الفرح .. |
اقتباس:
اي فتاه لو قدم لها مهر اقل من الخمسين اكيد راح تضايق وتحس انها مالها قيمه وانا اكيد ماارضى بأقل من الخمسين ..خلي البنت تتفاخر وتنبسط اجل الناقه تنشرى بملايين . واحنا بعشرين وعشره هنا البذخ والاسراف |
اقتباس:
ربي يحييك ,. غلاء المهر يقتصر ع حالة الزوج اذا كان قادر قدم غالي واذا حلته جيده قدم وسط واذا حالته بسيطه قدم شي بسيط واذا جت الساعه كل شي يرخص بعيون الناس مايصير الشي له قيمه |
آآجل أرقام خياليه وينهن مانشوف اللي تقولين
والله كل مال المهر ينزل شوي ويصير قيمه غرفة نوم عاد تدرين بابنت عمي دآآيم اندب حظي آني منب بدويه وآلآ كان اللحين يدفع لي 200 الف آآآخخ وحتى لو آنا قبيحه المعشر والبدي غصبن عليه مو 40 ومزكومه آآف الحظ مدعوس << |
اقتباس:
وجهة نظر احترمها .. لكن اذا كنت تبي تقيسها بجمالها وشفت البنت وقدرت انها تسوى مية الف او الفين ع جمالها. وتيسر زواجك عليها واثناء الحياه الزوجيه للأسف ماعشت معها بسعاده وحياتك كلها مشاكل لاسمح الله هنــــــا اكيد راح تقول خساره عليها المية الف .. لازم تسوي شي ماتندم عليه بعض الازواج يندمون ع تقديمهم لمهر غالي لانهم اكتشفو ان الزوجه ماتستاهل كل اللي دفعته |
اقتباس:
ولهن طلاعه مع كل وغد لو يوصل عددهم 15 :| ياخذها من بيت اهلها عقب النفاس وعلى محلات الذهب ماتحتسي عليه الا عقب مايلبسها كيلو غويشات http://roo7najd.com/up//uploads/imag...2d591d07f7.png على قولة ام الطنايا يمنها قعدت تتأمل بأحوال البدويات تنهدت وتقول الله يعز الاسلام ههههههههههههههههههههhttp://roo7najd.com/up//uploads/imag...2d591d07f7.png لباها من راسها لمواطيها http://vb.tgareed.com/images/smilies/55.gif |
اقتباس:
ايوه هنا المشكله .. العائله البسيطه تتكلف فوق فوق طاقتهم منشان يتنافسون مع العوائل المقتدره ومنشان ايقال عن زواجهم زواج امراء وتطلع كل تكاليف الزواج سلف ودين للأسف ويضل الزوج يدفع ديونه لسنوات ويصير زواجه نكبه وصارت الان الزواجات منافسات (فاليتنافس المتنافسون ) من اللي زواجه احسن من زواج الفلان لكن الثري او الغني ايحق لهم اذا ماكان فيه ديون او تكلفه |
اقتباس:
فيه كثير اللي يدفع 100 و 200 وهذي فئه من الناس اللي هي قادره ع دفعها الله يجيب لك اللي يدفع لك مية الف زين هيك ولا تبين اكثر ههه |
اقتباس:
حشي من هالذهبان بنت الذين والرجل مغير يدربي الدميجه هاه لاتزعل عاد اذا جايبه ولد رآآسه مترين المحل كله له ووالله ياهن عايشات عيشه الملوك بنات الذين وحنا نفرح بطقمن فطسه والا قطعه جوال خلينا على اشهبنا المنتف باس الشكوى لله هذا المكتــــوب شين نعرف له ولاشين نجهله << تهون على روحه |
لالالالالالالالالالالالالالالالالالالالا
|
اقتباس:
آآنا آآآعرف هــوامير ارصدتهم بالمليارات وزواجاتهم باستراحات ومهورهم 50 باس عاد خبرك حقين بريده لو تموتين يخلون القرش يتنفس بالله اللي تسولفين عنهم ذول البدو ياعين امي .. لا ميه شويه زيدي هي من جيبك هه |
| الساعة الآن 12:53 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة