|
ماسر شجاعة المرأه في قطع الطريق مشياً على الاقدام !
السلام عليكم ورحمة الله .. مرحبا واهلا بك اعضاء وزوار هذا القسم ,,, حقيقةً لا أجيد سبك الأحرف والكلمات المترادفه أمثال بعض الاقلام هُنا بالمجلس .. ولكن هو أمر في نفسي ونا على يقين اني لا استطيع ايصاله الا عبر هذهـ البوابهـ .. اخواتي الفاضلات .. موضوعي هو ان شئتي اسميه اي اسم , استفسار تساؤل تعجب ! لا اعلم بماذا انعته ولكن لعلي ادخل في صلب الموضوع .. يعلم الكثير خطورت الطرقات المزدحمهـ بالسيارات , وكم آلمنا وافجعنا كثرة مانسمع من حوادث الدهس .. اريد ان اتكلم عن نفسي .. انا شخصياً قبل فتره ليست بالبعيدهـ وتحديداً في مكه وإذ بي امشي على اقل من مهلي بسيارتي متحاشياً الماره .. اذ بتلك المرأه هداها الله وكأنما سقطت علي من السماء ,,, تفاجأت حقيقه وارتبكت لينتهي الأمر بحمد الله بدهس قدمها ولم تصب بأذى !!! مرهـ اخرى في سوق بريدهـ الداخلي ماشي بأمان الله وفي لمحة بصر إذ بسرب من النساء يقطعن الطريق بدون اي مبالات !! عجباً اهذا الطريق للمشاة ام للسيارات .. الا يجب التوقف قليلاً والنظر يمنه ويسره لكي تطمئن على سلامتها قبل قطع الطريق .. او هي على يقين ان السائق مهما كانت سرعته انه على كل شي قدير !!! ايضا اختم بموقف لم يمضي عليه سوى 24 ساعه , ليلة البارحه قطعت الطريق امامي امرأهـ اكاد اجزم واحلف انها لم ترى الطريق نهائياً لا يمين ولايسار !! اعتقد اتضح مرادي من موضوعي ,, اخاطبكن اخواتي واخص بالخطاب من اتمت سنوات بلبس الحجاب اعني انها كبيرهـ وناضجة العقل .. لا القي باللوم على الصغيرات ربما لم يتغير الوضع عليهن بعد الحجاب الى الآن .. ماهذهـ الجرأه والشجاعة والإقدام على الموت ,,, !!!! |
مسآء الخير بمآ أن السؤآل مخصص للنسآء فسأجيب عليهـ
مع أنك حددت العجآيز بآلإجآبة وللأسف مآيتوآجدون كثير عآلنت فكن مع الفتيآت وستأتيك الإجآبآت بصرآحة أنآ من هذي النوعية ألي أمشي وأنآ مغمضة عيوني والسيآرآت مآشآء الله عندنآ إذآ شآفت إمرأهـ تقف من بعد ميل والشيء الثآني أني أنآ وأكيد أخوآتي البنآت بصرآحة نستحي نتلفت أو نطآلع يمين يسآر أمشيء سيدآ وربك كريم شكرآً لك :) |
أخي القدير سلفر
أنامعك في هذه النقطة مادري كيف تتصرف المرأة أحيانا في الطريق كثير يحصل هذاالمشهد أعتقد والله أعلم أن المرأة عندهاالثقة المفرطة بأن السائق يشوفهاومايحتاج تلتفت المرأة تدري إن السواق واقف واقف إحتراماًللمرأة أناأخاف عليهن من الأجانب اللي توهم مستجدين بالسواقه أخاف (يلخه)المسكينه المشكلة لاصارن فررق يعني سرب هذي المشكله يخطمن تقل لحالهن بالشارع عاد يمكن مستعجلات لابو خمسة ياحبهن للمحلات ذولي شكراعزيزي سلفرموضوع جميل الله يحفظنا جميعا |
هناك شبه كبير بين المراه والناقه (مع احترامي لنساء
وهو انه كلاهما تقطعان الطريق دون ان تكلف نفسها عناء الالتفات يمنه ويسره وايضا لثقتها ان صاحب السياره سيقف لامحاله ! |
هذا فعل كثير من النساء
والسبب أنها تقول أن السائق سيقف عندما هي تعبر الطريق لكن لو هي وقفت تنتظر أن يخلو الشارع من السيارات فأنها لن تعبر وسيمضي يومها بالأنتظار واعتقد أن هذه طريقة خاطئه وحده من خواتي هذا فعلها بستمرار عندما تذهب للسوق لكن تعرضت قريبة لنا لدهس بعدها تابت ولا تعبر الشارع الأ بعد أن تتأكد من خلوه من السيارات |
قانون عن النساء هو
" إذا راء صاحب السيارة أمرأة تعبر الشارع فإنة يقف دن ضرب بوري أو أي حركة " |
تمنيت ان اجيبك لكني لست منهن...
وبالرغم من انني اقوم بمعظم مشاويري سيرا على الاقدام واضطر لعبور الطرق والشوارع.. لكن ماعمري خطمت ولا صقطت على سياره<<دباب مو حرمه ماهنا اخوف مني انقطع ويروح وقتي وانا انتظر احد يتكرم ويهدي عشان اقدر امشي.... لكني اتصور ان قلب المرأه قوي وجزومه ويمكن انها واثقه ان الرجال بيوقف لها غصب... |
حكمتي بالشارع تقول :
الأفضلية للي يمشي رجليّة :c7: سيارة توقف لي دامني امشي على رجولي واللي ماتوقف اخطم عليها لين توقف غصب ويضرب لي الراكب سلام |
آآهبن اللي يعرفن يقطعن ! ودي اعرف عجزت :( اذا جزمت اقطع ووقفت غصب التفت جهة السياره واثرها جايتني يطير عقلي وتصافق عظامي واصرخ وهو مابعد جاني شي! بشارع الصناعه رغم ان القطع يقدر عليه البزر اللي يحبي الا اني استعين بالعيال الصغار يقطعونبي:) او عمال يخطمون همن اخطم معهم وانا مغمضه ماابي اشوف السيارات! عندي فوبيا القطع مااعدتني عذبذب القرمه:) |
بالنسبه لي غالبا السيارات توقف او تهدي بمجرد ما انوي اقطع الشارع :)
واحيانا ماعندي وقت انتظر فـ اذا شفته بعيد شوي اقطع بسرعه هههههه هذا سر الشجاعه :) |
|
|
[align=center]لسان الطير
حنا ماذبحنا الا ثقتها اننا نقدر نوقف بأي وقت .. هذا الي مرتسم في عقول الكثير ولكن الواقع ماراح يسمح لك بكل الأحوال ,, اتمنى السلامه للجميع .. نبراس القصيم ليت الأخوات هنا يعتبرن ايضاً من قريبتكم الي حصل لها حادث دهس ويتعظ الجميع .. الشجاع الصامت القانون لا يحمي المغفلين .. تحيتي ,,[/align] |
|
|
لان الرجل مجرد مايشوف المراه تبي تعبر الطريق يهدي عشان يقزقز
عن نفسي انا لازم اشوف السيارات قبل ما اقطع الشارع لكن الحريم اللي قلت عنهن اتوقع من الهم والغم يبن ينتحرن |
|
|
|
|
اقتباس:
حظ اهلك بيستفيدون بعدكhttp://www.buraydh.com/forum/images/icons/icon10.gif<<امزح طولة العمر يارب وايدك ملوحة انا خوافة حييييييييلhttp://www.buraydh.com/forum/images/icons/icon9.gif تقدر تقول قاعدتي بالحياة ياروح مابعدك روح:a7: اوقف لحد مايعبرون:b9: او استنى لمن يوقفون وهم يلوحون لي وبعدها اعبر:b7: |
بصــراحه ماعمري قطعت شآرع .. لحآلي .. <<خوآفه
بمكه نظطر نمشي ونقطع شارع .. اتمسك بـ آبوي لحد مآوصل السياره .. اغبــط اللي تمشي .. وتقطــع ولاتخآف احس انها قوويه |
. تجين حالة شجاعة أو بالأصح (درعمه):) بالطرق الضيقة بس تذكرت مرة كنت أنا وأختي بالسوق والشارع مليان سيارات وتقولي اقطعي بسرررعة http://www.buraydh.com/forum/images/icons/icon8.gif رفعت لي ضغطي مدري وشلون أخليه توقف قلت: طسي والله منب صايرة مثل بقر الهنود يقطعن والسيارات توقف لهن وأبشركم وقّفت بعد هالتشبيه :) بس يعجبنن اللي يقطعن بثقه والسيارة توقّف يحسن بذيك اللحظه إنهن شخصية مهمه حتى لو إنه خطر عليه :) |
بعض الحريم جزوماات ومتهورات ,
قطع الشارع حاجة مخيفه لكنها شر لابد منه .. |
خلاص يابنوتات من اليوم ورايح لاتشيلن هم قطع الشارع .
بعد نظام ساهر دجوا الناس وفلسوا وكثير منهم باع سيارته علشان يسدد مخالفات ساهر وبالأخير صفت على جحش مزيون مامنه خوف وفرصه يابنات تشترن حمير ونبدأ نتحدى بعض ونتساقط ونهجول . http://i1109.photobucket.com/albums/...3b2f3/jizz.jpg |
اقتباس:
ماشاء الله عليك .. مداخلتي .. احتسي نفسك وامش على الرصيف ترى المبزره والمهبل من الشيبان أكثر من البنقالية. |
اكره السكك اكرهها لو الخط فاضي يتراولي فيه نور سياره بيعدي
اتوتر توتر لا قطعت خط احيانا الوحده تكون مجبوره يكون اللي موديها مشوارها مستعجل ومايمديه يحطها قدام المحل اللي تبيه الله يحفظنا بحفظه بس |
هذي موب شجاعة الا موت قلب
الله لايبلانا والله حرام اللي قاعدات يسونه يروعن خلق الله وهن مايدرن فعلا موضوع يستحق الطرح جزاك الله خير |
في بلادي قطع الشارع فيلم مرعب وآحيانآ أكشن..
ولايمكن أن أُجازف بحياتي وأقطع شارع.. أضحك لمشاهدتي شخص يعزم على القطع..رافع ثوبه ويعض شماغه ويترقب... خوفآ من المصير الذي ينتظره لكن خارج بلادي أستمتع بقطع الشارع لأن لك إشاره وخط مشاه والجميع يقف لك لتعبر بسلام وآمان ... |
أصاله نادر
رونا شهد شادن كوين عسولي الاخطبوط المرقط ساره زمن الغرباء العالميه *** شاكر لكم مداخلتكم .. وبإنتظار البقيه .. على الهامش : اتخيل وحدهـ من الأعضاء هي الي دهست رجلها بمكهـ .. !! الله لايقوله هههه |
..
. ماسر هذي الشجاعه؟؟ >>> مثل ما قالت قتاله عندي فوبيا القطع !!! [mark=#6666ff]شكرا لكـ [/mark] |
خخخخخخخ حطيت يدك ع الجرح
أنا أكثر وحدة تخاف تقطع الشارع مستحيل اقطع الشارع وفيه سيارة وحده أختي تتضايق تمشي معي ودايما تقول انتي جبانه وبالمناسبة فيه كثير من الرجال يوقفون إذا شافوا حرمة بتقطع وربي أدعي لهم من قلبي |
ماسر شجاعة المرأه في قطع الطريق مشياً على الاقدام !
هذه ليست شجاعة هذا غباء مع احترامي لهن البعض منهن تعتقد انها تمشي في منزلها وأن الطريق ملك لها وحدها غباء تفكيرها يؤديها الى الموت وهي لا تدري .. |
للأمانه لو أنا مكان اللي ذكرت كان احطك عمى وماتشوف وإلا بزر توه ماسك سياره http://www.buraydh.com/forum/images/icons/icon10.gif بس اساساً منب اتهدد على القطع لو انطق نص ساعه .. والحمدلله دايم موفقه بعيال حلال هم اللي يوقفون لين حضرتي تقطع :) < تراجد على عمره http://www.buraydh.com/forum/images/icons/icon10.gif |
المواقف كثيره
انت شف الدرعمه عند الصرافات وكأن العالم عندها لاشيء ،أتوقع السبب هو حرصها على عدم التفريط في أي دقيقه من وقت التسوق :) الله يستر على أخواتنا المسلمات وانتبه في الطرق القريبه للأسواق النسائيه |
أشاهد كثير من الرجال يقطعون الطرق بثقة حتى لو كانت السيارات تسير بسرعة عالية وقريبة
حاولت أقلدهم هههههه صراحة شيء عجيب مايخافون ماشاء الله عليهم بالعكس المرأة حريصة على نفسها هذي سمة بارزة تسلم أخوي على الموضوع |
جمره
بهالفوبيا تسلمين وايضا حنا نسلم من تغيير فحمات السياره < مايعرفها الا العيال هذي .. هههه شكرا لك .. إنسانه غير حياك .. وخوفك وحذرك بيعود عليك بحفاظك على نفسك من الاخطار .. بعد اذن الله عزوجل حتى هم بيدعون لك انك خبرتيهم انك بتقطعي الشارع عشان يوقفون :) شمس الصباح اسميتها شجاعة لعدم معرفتي مايجول بداخلها اثناء تجاوز الطريق بدون اي التفاته .. شكراً لصراحتك .. X 7oor S3od X قصدك الي تم دهس قدمها .. < اذا هي المقصودهـ .. اقولك زين الي ماصارت تحت السياره بعد .. يابنت الحلال تمشي ماتدري وين ربي حاطها .. وتسمع صوت السياره تمشي 20 بجنبها وشارع مخصص لعبور السيارات , يعني الله لايعمينا ماتشوف ولا تسمع الصوت .. بغمضة عين طرت له الاجوديه ولفت يسار وأثاري سلفر له بالمرصاد < سادهـ زين انك ماتهددين .. اصحاب السيارات ماراح يقصرون بالوقوف بس لو يكون عندهم سابق علم لـ انتهت المشكله المُثاره .. شكراً لإضافتك .. جلوي الشقير يارجال الاسواق النسائيه مايحتاج آخذ حذري .. الي ذكرت في بداية موضوعي النوذج الثالث كانت وقت العصر عند احد الدور .. يعني الصبح مدارس <بيخطمون والعصر بدور القرآن والليل بالسوق يعني نركب خيول مثلاً < :) منور جلوي .. درر مضيئه الرجل عشان ماعليه عباية وطرحه ونقاب << وهلم جرى يعني خفيف المرأه لابد تحسب حساب هالامور وماتضع هالمقارنه :) شكرا لتواجدك .. |
[align=center]مااعدنن ذولي
مااعرف اقطع لحالي ابدن لازم معي احد مره وقفن اخوي وقال يالله انتظرك اقطعي جلست واقفه بجنب السياره ساعه اخر شي نزل قال جاء العيد وانتي مانويتي تتحركين من مكانك يالله امش وقطعنا بسلام[/align] |
.
والله ياانا اطلع تقل مهبولة بشارع الصناعة مثل المروحه القعادية وهو كلة شبرين ونص :) بس اتلفت مرة اقول اخاف السيارة تحجي منا ومرة اقول اخاف تجي منا بس عندي اخت الله يصلحه مجازفة مايهمة شيء اسمة طريق وسيارات إذا صرت معه ارتاح حتى انها مرة قاطعة طريق العليا طالعة من العليا مول رايحة للمملكة وليته لحالة معة صديقتة وعيالهن بعربيات http://www.buraydh.com/forum/images/icons/icon10.gif اتوقع ان صديقته ماتتجرأ بس هي اللي جرأته على هالشي :) |
اقتباس:
واااتسبديه عاد ذيك الاماكن وانا بوسط السياره اتمسك بالطبلون وارجد مو واقفه والسيارات تشخف من جنبي:( |
| الساعة الآن 02:41 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة