|
انا كل ماشفتك تذكرت حب (ن) كان 00 وشالتني الذكرى لأخر محطاتك
|
لو انك بشر حسيت في لوعة الموجوع جريح شكا حبك على الله سبحانه غريب تعلق في حبال الرجاء المقطوع له سنين يشكي من بلاويه واحزانه لو ان الأمل ضم التواصل بحب الكوع قطعت الذراع وبست كوعي على شانه |
العشق ماهو بهرجٍ ينطـق بساعـه العشق يبغى حبيبٍ صافـيٍ صامـل وماهو يخلي حبيبه كانـه ابضاعـه وهذاك شايل لهـا وهـذاك متحامـل ولاتقول كم مرةٍ (اسيـر) وشراعـه وشفته مـع هـذا وهـذاك متعامـل مشرف والمشرف لزوم تقدر اوضاعه لابد ياخـذ مـع العربـان ويجامـل ومايحط بينه وبين الناس رداعـه سبحان ربي عظيم الوجـه والكامـل |
وإن قـلـت عـطـنـي يـديـنـك ودي اشـربـهـا
خـذني عـلى قـد عـقـلي .. واسـكـب يـديـنـك !! |
لاجل الغــــلا برســل مع الشوق .. وردة .. ارويتهاا .. من مــاي عيني .. غـــــــلاهااا .. عطّرتهااا .. وحــي الغـــلا .. والمــوده .. وضميتـــهااا .. لصدري ولامس عطاهااا .. " أمنتك الله " ضمّـــهاا .. كل مــــده .. حـــتى أحــس ضمّيــت قلبي .. معااهاا .. |
**
كل صبحٍ يشرق بدونكـ [ فقير ] .!! ما بـ جوه لا طيور ولا ضيا و الصباح الي بوجهكـ يستنير يخجل الشمس وتغيب من الحيا ** |
ياصبح عطرك للمواليف مطلوب
حتى يطيب الجو من عطر نورك الشعر شهده في تواصيفك يذوب ويشيب قافه لاتذكّر حضورك نجلا عيونك تشفي قلوب وقلوب ما اسعْده قلب ٍ لا لمحته بحورك |
من لا أستشاركـ لا تبديله الشور
ومن لا يودك نور عينك فراقه |
آحبڪ ليـﮧٌ ..! }~
لآ تسأل ولكــًـَنْ اسأل الاقدآإأرٍ .." آنـآإ مثلڪ ترآ مدرٍي شلون حبيتڪ ..! --{ هويتـڪ من وس‘ـَط مآ آ آ ضـَيّ وٍ مس‘ـتقبلٍ وٍ ونآس ڪثآإأرٍ ..* وصبرٍتّ وزآإأد حبي لڪ ..! |
بشويش تكفى " لآمس آلجرح برفوق
كذبهـ ترآهآ ضحكتي وإبتسآمــي ! ثوب آلفرح يآسيد آلهم مشقوق شفهآ ترآجف من لبسته عظآمي! شفني نخل كلي عذآبآت وعذوق لآ لآ تهـز ولآ تـطير حمآمـي ! |
الطفوله ..
أحلى مافي هالحياه مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني ... بسمه فينا ترتســم كنـّا نركض خلف كوره ... لا لا أنا ماكنت معهم؟ وحدي بس بعيد عنهم ... كنت أضحك من ضحكهم ... جالس لحالي أهذري... جالس أحسب كم( كوبري )... صلـّحه ( أحمد ) في ( ماجد ) ؟؟ والله واجد!! وقبل ما يحل الظلام ... للبيوت نروح نجري ... لا لا أنا ماكنت معهم ! أمشي وحدي بعيد عنهم ... أمشي وأعدد أثرهم! وهم عني يبعدون ... يبعدون ... يبعدون ... إلا( ماجد )! كان مثلي حيل ضايق ... بس حزنـي كــان حارق كان يسألني ببراءه : ... ليش تعرج ؟ ... قلت مادري ! - باستياء - ليش تبكي ؟ قلت ما ابكي ! - بكبرياء - ضاق مني ... ثم سألني في غباء ... قال ( وثرايك تـثــابق )؟ وراح عنــّــي ... !! كنت أسأل دوم نفسي ... ليش ما أركض معاهم ؟؟ ليش دوم أمشي وراهم ؟؟ وش بلاي ؟؟ أو وش بلاهم ؟؟ ليه أنا غير الأنام ؟؟ زاحمتني الأسئله... كل شيٍ أجهله ؟ وإن تعبت من الإجـــابه... أحضن الحيـــره وأنام . مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز )! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل مامشي دقيقه القى كل شوي أبله ! يمشي ويناظر صديقه ... ويغمز له يقول : ناظر...! وش يناظر ؟؟ وتتفجّــر في خفوقي ألف ضيقه ووحده في وسط الزحام ... طالعتني باهتمام ... بنت في عمر الزهور ... أي رشاقه ... وأي أناقه ... وأي عطـــور !! قلت في نفسي وووه هي تناظرني بغرام ؟ أو هي نظره والسلام ؟ بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت ... لي قصيده ... كنت ناشر معها صوره بس صوره ... ياسلااااا م وفاجأتني ... لمـّا صارت لي قريبه ... كانت تـتمـتم بطيبه ( يكسر الخاطــر حـــرااااام ) !!!!! وتركت دمعه غريبه ... وضاعت بوسط الزحــام دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يكسر ... خاطر انثى كيف ينسى ؟؟؟ _ _ _ _ _ _ |
يا غايبه و ان كان فيها جماله
تجمّلي يا أم الحلا و الظفاير بالله شوفي صاحبك كيف حاله شوفيه في غيبتك وشلون صاير صارت حياته ضيق خلقه و بطاله هم و سهر و أوراق شعر وزقاير ..!! يعني حبيبك صارت حالته حاله ما باقي الا انه يدّن العبـــــايـــر الله لا منه ذكر ما مضا له قبل الدواير ما تجرّ الدواير يوم الطفوله و الشقا و الجهاله يوم الكباير في عيونه صغاير ايام كان معانده راس ماله و يسوق لهبال الشقاوه بشاير يا ما امتلى بالحب و الطيش باله و ياما امتلت من شخبطته العواير ياما اشتكاه ابوك في بيت خاله و ياما تحصّل من هواك العزاير مرّه حلف بــ أنه يبطل هباله و قبل يكمّل .. فك اخوه الستاير ثم طالع الشباك .. لينك قباله و فــ أقل من لمح البصر جاك طاير على صغر سنه مميل عقاله كاشخ و ناسي لا يصك الزراير لا شافك يتمتم لحاله بحاله: لعيون هالشوفه تهون الخساير و لا شاف زول ابوك حذف نعاله الحب جاير ... لكن العود جاير طفلٍ يتيم ورغم الاحزان داله ما يدري ان حظه مع الوقت باير كنتي طموحه كنتي اغلى حلاله كنتي و صرتي .. بس يا ام الظفاير طفلٍ زرع من ضحكتك في خياله لين أثمرت شعرٍ هزاله حراير لا تتركينه في غيابك لحاله بالله شوفي كيف هالطفل صاير ووحده بوحده كان عندك عداله اتبطّلي غيبه و ابطل زقاير ..!! |
هلا باللي سرق نومي وخلاني في ذا الليل
هلا بك كثر ماخيم علينا الليل بسكونه.. هلا بك وان بغيت الصدق مشتاق للقا بك حيل عليك من الوله قلبي حزين ويعزف شجونه.. حرف الها ا ا ا ء |
تكفيني الكلمة وخطك قبالي او بسمة تسعد عيون تراعيك ليتك تحس بلوعتي وانشغالي لا مر طيفك في خيالي وطاريك عز الله انك يامنى الروح غالي متربع في وسط قلبي ومغليك من قبل اشوفك كنت حلم الليالي حلماً حلمته اجتمع صدفةٍ فيك |
مآ دآمت آلأرض تحتي لآ تشيل آلهموم تدري متى تشيلهآ ..؟ لآ صرت آنآ تحتهآ |
| الساعة الآن 01:15 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة