§¤°~®~°¤§ يــــايمه حييييل ضميني §¤°~®~°¤§

[هواجـــيـــس]

[glow=66FFFF]
قصيدة مؤثرة بعنوان (يا يمه) .. وهي قصيدة تحكي توبة ابن عاق ودموع وآهات ولكن بعد فوات الأوان ..[/glow]


يا يمّـه .. منتهي جيتك وطالب منك الغفران
أقبـّـل قاعة أقدامك واغسلها بدمعاتي

يا يمّـه .. كل مافيني يناديلك أنا ندمان
طلبتك ! قولي سامحتك وردي لوجهي بسماتي

أنا أدري قلبك الطيب كسرته بصدمة النكران
غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان
وربي إللي رفع ذاتك ونزّل للردى ذاتي

فقدت الراحة من بعدك .. فقدت الطيبه والتحنان
بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان
أشوف .. ولا أشوف إللي يوريني مساواتي

أنا وسيد الشّـقى والهم من بعدك غدينا أخوان
يجيب هموم هالعالم .. ويرميها بمتاهاتي

صِدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي

أنا من شالك بيده ورماك بأسفل البركان
نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان
رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان؟
سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان
أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان
تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان
أبسمع (يمّــه) بصوتك أبذكر فيها نشواتي

أشوفك ساكته يمّـه ؟!!.. غفيتي ولا أنا غلطان؟
غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان
أشوف الموت بعيونك .. عساها تخيب هقواتي

تعالوا يا بشر شوفوا أنا محتار .. أنا تلفان
أنا أمّي مدري وش فيها .. أنا مدري أنا أحاتي

شنو ؟؟ أمّي أنا ماتت ! لا لا.. لا ترى غلطان!!
أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان
أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟
إذا متي أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان
أنا جتيك وأنا ناوي أببدي فيك جناتي

تركتيني ومتي ليـه؟؟ تركتيني وأنا غرقان؟
ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان
أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران
وشفت الناس تلعني .. وتحذرني من الآتي



[rams]http://www.zafaronline.com/hattan/yayuomahe.rm[/rams]



[blink][blink]
اختكم ........ هواجيس [/blink][/blink]


§¤°~®~°¤§يـايمه حييييل ضميني §¤°~®~°¤§

[SilVeR]

[align=center] بسم الله الرحمن الرحيم

السلام عليكم ورحمة الله وبركاته

قصيدة أكثر من رائعة ....

والصوت أكثر من رائع ...


جهود جبارة ألف شكر لك أختي هاجيس ...

عندي طلب بسيط :

الله لا يهينك أبي رابط الحفظ [/align]

[هواجـــيـــس]

حياك الله اخوي المعتصم

كان بامكانك الحصول على رابط القصيده من اقتباس من الموضوع وتقدر تاخذ الرابط منه

لكن حياك وهذا الرابط http://www.zafaronline.com/hattan/yayuomahe.rm


واذا تبى تسمعهااا من شريط اناشيد توه نازل بالسوق اسمه ياعيال

قصيده بالفعل قووويه ومنشد رااائع اتمنى انك تسمعه من الشريط بعد

[بدرالوابلي]

يمه .................................................. ................................ من يوم الثلاثاء 3\5\1424هجري حتى اليوم .. وينها عشان أناديها ؟؟ مايعرف قيمة الأم الا من فقدها ويفتقدها كل لحظه وكل يوم .
وينك يابهجة الدار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الافق]

الأخ العزيز ..... بدر الوابلي .... نعم : مايعرف قيمة الأم الا من فقدها...
رحم الله أمك .. واسكنها فسيح جناته .... وأمهات المسلمين .......... آمين يارب العالمين




ولك تحيـــــــــــــــــــــــــــــــــــــــــــــــ ــــــات الافق ،،،،،

[* الدانه *]

مشكووووووووووووره اختي هواجيس .. انشوده رررائعه ..

اخوي بدر الوابلي .. رحم الله امك واسكنها فسيح جناته ... امين

[الرمادي]

الله يقدرنا على البر بوالدينا قبل فقدهم والندم على التقصير بحقهم



قصيدة رائعة


الف شكر اختي هواجيس


تحياتي ,,

[DeWDrOp]

يازيننننننننننننننننننننننننننننننننننننننها هالانشوده


اطلق انشدوه بجد


اول ماسمعتني اياها شقرديه علقت عليها شهر