ثلاثية برا و ثلاثية جوا و بقستين مع الجبهة تكسره ..!
ولو أن موعد عمليتي اقترب إلا أن خسارة الهلال من الاتحاد و إقصائه من البطولة بالتخصص الاتحادي طيّب خاطري ، بل شعرت بأن العملية لا تحتاج لأن الضمير الداخل مبسوط فوق الرتم المعتاد ، وهو خروج الهلال من بطولة فحط لتحقيقه ، علماً أنها الثانية أن يلفز بالهلال غمر الأهداف بهذا الشكل فإن لم تحرجن الذاكرة سبق الاتحاد دحى مرمى الهلال برباعية ..
بقستين مع الجبهة تثلمه ، فثلاثة آسيوية و ثلاثة محلية على نادي غرّه الدوري فظن أنه النادي الذي لا يطبز ، إلا أن طحاطيح جدة عيال قلبك أظهروا لنا الهلال بخيطهم شوربه باللبن ، حقيقة عن نفسي ولو أني أتمنى الهلال مثل الوحدة الآن لا يدري في أي الدارين هو إلا أني رأفت بحالهم ، فالثقة إنسلخت و الرئيس قضب الخد و لا هج زي الهجة الآسيوية و قعد بالكرسي ، إلا أن عييناته ربي يحفظهن لوه يقدحن شرار عقب الثالث الفسحة ...
يقول أبو أثنين : منافسنا الاتحاد .. الصراحة عقب هذي غشيت من الضحك ولو إني زملن للعملية زمل الهلالي للاتحادي ، هو - أنت يا أبو أثنين - ما شاف خشيشته الي كله ملح عقب لقاءات النصر شهبا من الرجده ، و هل نسي إن جمهور الهلال الي أغلي ثلاثتن منهم يلفظون الشب من صدورهم تنشف أرياقهم بمباريات النصر ... و الفسحة صدز يقول إن كالديرون أقل من الهلال و يكلج بعد ، وهو وربي قال أول ماجاء كالديرون سمع أذني كالديرون يعرف و يبخص الدوري السعودي ... الله يهديك يا نور و رفاقه أدعيتوهم لقسه ، عقب ما ضيعتوا اللاعبين بالملعب ، حستوا قناعاتهم و رؤاهم خارج الملعب ..
أنا ما همن إن الهلال يهزم ، أصلاً هو مهزوم مهزوم الله لا يعوق بشر ، بس أنا طايرتن بوهتي ولو إني زملن للعملية ، لأن بلاوي متلتله تبي تصيب النادي ، فلوا أصابعكم معي و عدوا ... كالديرون أقل من مستوى الهلال ، الكوري الي رازين صوره صار أقل من المأمول و لاعب أقل من الهلال هماهم معهم الدوري ، ولي الي جاب لهم الدوري و غطى عيوب غيره إنعدمت الثقه بوه ، و الرئيس الذي يقول نبي نحاسب اللاعبين خشية الإقصاء من الرئاسة فلا عالمية و لا أبطال يخدرهم بوهش اللاعبين ، و ياسر الي يخفون قناعاتهم بوه إنه يحوم التسبد صار الحين يحوم التسبد و يقولونه جهراً حلوه جهراً ، و عزيز صار بكيفه يروح للنصر أو الاتحاد عادي و أول مغبينه و يقولون تمرن وهو له عشرت أيام ما عتب على النادي ، و الفريدي الي يقولون إنه ثنيان الزمن الجديد صار بارد و ما يعطي ، و الدوسري العابد لحقهم ما لحق ولي ... يعني ما صفى إلا الشلهوب لأنه من مدرسة التمياط و التمياط برأي الهلالي العاقل مدرسة لسامي ..
مالنا بالطويلة ، جاء البلوي و يبي يدخل لرئاسة أربع سنين ، يعني بإذن الله على إمتداد أربع سنوات آسيوية مابوش ، فأبوك يا المحلية عليك به يا الهلال يا عل عيني ما تبكيك محلياً ..!
الثمرة من كل هالموضوع أدعوا لي ، عقب يومين و بهن عندي عملية عسى الشر ما يجيكم ، تذكرت ذاك الي قال يبه أبسوي ربط معده قال يا وليدي أربط خشيشك ههههه ... يالله أستاذنكم ، لا ترتسون علي بالردود تراي ما أنطح هوش و عراك عطون مثل ما عطى الهلال للاتحاد .. خفايف يعني ..
يالله لا تعاقبنا بعشرة أيام طلعتين و الباب واحد ، يالله إننا حدر رحمك .. الطنزة شينة ..!
تحيتي لكم