[ضباااب]

وشلون طاعك قلبك تخون مغليك
.....اللي ما جاء في باله إنك تخونه

وشلون قلي كيف تجحد بوافيك
.....اللي على شانك يداري طعونه

قلبه تعلق فيك وأبطى وهو فيك
.... هايم وعشقه فيك زايد جنونه

مابيك لسواتك تبرر ولا بيك
.... ألا تصون اللي أريدك تصونه

مادام قلبي هايمن بك وباغيك
.... ومجازين قسوتك معه بليونه

توص به من دون لحدن يوصيك
.... داره وراعه لا تخيّب ضنونه

عل وعساه اليا اوضحت له خوافيك
.... وتفتحت على عيوبك عيونه

يختار شي ٍ يرتضي به ويرضيك
.... وعشان بعض الناس ما يشمتونه