|
بــيــوهــات ( جمع بـيـو ) الموضوع ماله دخل بدهانات الجزيرة :)
تويتر وما أدراك ما تويتر . هو ميدان تحرير السعودية بلا منازع ، وهو في نفس الوقت ميدان تشفيط ، وتخريف ، وتغزل ، وتحلطم ، وتشفي ، وحفر ودفن !
( نطو السطرين الي فوق على عجل لانه ذي مجرد مقدمة واستهلال لابد منه ويمكن الإستغناء عنه بس البيروقراطية الوظيفية عندنا عاضتن اسلوبي عض ) نطيتوا !! طيب منتاز .. سؤال كبر برج بريدة وبعدد الأفلام في ڤيديو المختار وبعدد كلمة ( كرر ياكوكو ) في شريط بداية لماذا جلد الذات في ( بيو ) تويتر ؟! والمايعه الزائدة أمثله ( أكره القهوة .. لست كاب كيكيه .. عنيدة وطيبة .. ممنوع الخاص ) يعني = تكفوووون صكون بخاص ( جوزائية المزاج .. قبانية الهوى ومتعجرفة بشعري الغجري .. لا ارتدي قمصان روز ) وكل تغريداته عن الحلويات والطبخ والنفخ تحسب قبانية ترجع لحلويات جرير قباني ماهيب لكلمات نزار واتحداه إذا تعرف وشي جوزائية شرط تحسبه قهوة !! ( معتوه .. أبحث عن عقلي .. أحب مصادقة المجانين .. أكره وجهي ) وراه ماتروح تنتحر أحسن ! ( ولدت حقير .. لأن الحرية مكبلة ) والقائمة تطول ...... كيف يرتضي الإنسان التعبير عن ذاته بتحقيرها أو جعلها سخيفة وسطحية البيو حقي: مازال تحت الحقن !؟ #لا_أحد_يدور_علي_بتويتر_لأني_بيضة_صعو #أنواع_الثقة_بالنفس --------------------------- #بيو_اعجبك ( لست إلا وردة في باقة ورود .. غير أن لي لوني الخاص ) |
الشعب محتاج شوية حنان .. |
اقتباس:
وذي ( حنان ) من تبي تبد عليه بيمديه ترضع كل الشعب !! #عساه_تحك_راسه |
الاسم والعنوان دائما ملفته للنظر
مثال اسمك لكن نبتعد عن اللفت الغير مبرر أو الجذب المنهي ابتذال النفس حكايه ثانية ومرض |
تششششش الحمدلله والشكر
(ابحث عن عقلي) اساسا ماله عقل اذا هذا تعبيره عن نفسه ولا قبانية الهوى خخخخخخخخ ااه يابطني ذكرتيني بعضوه في احد المنتديات تقول رجاء لااحد يرد ع مواضيعي ولايناقشني ولا يراسلني ع الخاص من الاعضاء الرجال طيب يالمريضه اذا ماتبين ليه داخله منتدى مختلط !! هالاشكال يبي يلفتون النظر لهم با اي طريقه شعور بالنقص لااكثرر عواافي هشهش :e6: |
حياك هشتو
ذكرتينا بفديو المختار اول اذا دخلته احس اني منفلت عاد البائع زقارته ماتطفى يعني ترانا فري !! هشتاقه انا متخلف تقنيا وحضاريا لذا لم انشي حساب بالتويتر فيادوب اتحمل مايصادفن ممن لايحتمل فكيف ابروح ادور شي ماضاع لي !؟ طيب جلد الذات أو وضع بهارات تضاف للشخصية ترى انها لاتضيف لك ولغيرك شي من رؤيته لك ونحن لانحس بشي ممن كتب !!! افلاطونية الحرف وكاتبه ياقنين وليدي بدأ يقول وخلي بث !! انثى غير لاتقبل الخاص واذا ارسلت له قالت انا ما اقبل من أي أحد ويطلع هالاحد كل السعودية واليمن. !! اشعر أن جميعنا يبي يطلع بأي وسيلة حتى لو اضطر للتعري والتفنقس << وش رايكم بي ونا اتفنقس ؟!! |
الله يهديك احاول أفهم قلت شكله تقصد البويات
قصدك البايـــو كل حساب لوتلاحظين تغريداته تختلف عن ماكتبه عن نفسه في البايو مثل اللي يكتب حساب ساخر تلقينه مادله السخريه والبنات اللي الله يستر عليهن يكتبن الخاص ممنوع عن نفسي ما إهتم بقراءة مايكتب في البايو بقدر مايكتبه صاحبه من تغريدات |
عاد تصدقين ماعمري انتبهت للبايو ولاافكر اقراه
لاني عارفه كل اللي فيه نصب او استهبال |
| الساعة الآن 04:07 am. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة